شراكة بين صندوق التنمية الحضرية و«بنك نكست» لتوفير سكن كريم للمصريين
ماذا قالوا عن الزواج من مُطلق ..يارا: هدية من ربنا.. وحنان: ناضج..وردة أكثر وعيا من غيره
السبت 11/سبتمبر/2021 - 10:31 م
عزة ذكي
تتخوف الكثير من السيدات والفتيات من الارتباط برجل مُطلق، خاصة الفتيات اللاتي لم يسبق لهن الزواج، على الرغم من أنه له الكثير من المميزات، لكنهن يتخوفن.
وتستعرض بوابة «هير نيوز»، قصص زواج سيدات من أزواج مطلقين.
كانت يارا عبد الخالق، فتاة في عمر الـ33 عامًا، تعاني من حديث الناس لعدم زواجها، فاضطرت للزواج من رجل مُطلق رغبة عنها وهربا من حديث الناس، لكنها شعرت بسعادة كبيرة في حياتها: «كنت خايفة واضطريت للزواج منه هربا من كلام الناس، لكن اكتشفت إنه أحسن هدية من ربنا، الزوج المطلق أو اللي ليه تجربة قبل كدة هيقدرك لأنه بيكون ناضج عاطفيا وهيريحك، بيبقى عاوز فرصة علشان يثبت نفسه، وعلشان كدة بيقدر الحياة، وبيخدها ببساطة».
لم أندم
بينما أكدت حنان سمير، فتاة تزوجت من رجل مطلق بعدما جرى عقد قرانها من خطيبها ولم يدخلا، فاضطرت لإنقاذ الموقف بالموافقة بعد فترة قصيرة على الزواج من رجل مطلق، لكنها لم تندم: «7 سنين وكنت بقول انا ليه أتجوز من راجل مطلق، لكن أسعد 7 سنين في حياتي، الراجل المطلق بيكون عنده خبره ومش عاوز يعمل أخطاء ومش هيتخلى عنك بسرعة، وبيأخذ الأمور بسهولة وبصراحة بيكون أقل في افتعال المشاكل من غيره».
سابني قبل الفرح
تضيف حنان: «أنا كنت مخطوبة عن حب، واتكتب كتابي لكن سابني قبل الفرح، ووقتها مكنهش عندي ثقة في نفسي لكن ربنا عوضني، مش كل بنت أو راجل ليهم تجربة يبقى معناه هما وحشين بالعكس بيكونوا ناضجين، الزوج المطلق بيكون عنده الإصرار على الالتزام وتكوين علاقة ناجحة وعارف إزاي يدير مشاكله».
قادر على إدارة حياته
يكون قادرًا على إدارة حياته بشكل محترف، هكذا لخصت وردة عمران، سيدة في الـ40 من عمرها، قصة الزواج من رجل مطلق، مؤكدة أنه يكون أكثر وعيا من غيره، فضلا عن أنه على دراية بغدارة المنزل والحياة وسيوفر أجواء الراحة لك، «الزواج من مطلق مش عائق، لو هتقدري تتحملي فكرة انك الزوجة التانية مش أول حد في حياته هتعيشي سعيدة، والأهم أنه لو عنده أولاد صاحبي ولاده وطليقته، وعيشي خياتك طبيعي بدون مشاكل».
اقرأ أيضًا..
