كيف يمكن لملك الموت قبض آلاف الأرواح في وقت واحد؟.. الإفتاء ترد
التنمر جريمة والحب مش كلام.. 10 رسائل اجتماعية هامة لـ مسلسل مدرسة الروابي للبنات
الإثنين 30/أغسطس/2021 - 08:31 م
عبدالله أبو الخير
بعدما امتدحت الدكتورة نانسي ماهر خبير العلاقات الأسرية ومرحلة المراهقة، مسلسل مدرسة الروابي للبنات واصفة إياه بـ"العبقري"، لما تناوله من مشاكل فترة المراهقة، تعود لتنشر على صفحتها الشخصية على الفيس بوك 10 دروس مستفادة من المسلسل.
حيث كتبت ماهر: 10 دروس مستفادة من مسلسل مدرسة الروابي للبنات:
١. التنمر جريمة خرجت عن حدود التريقة ورمي الشنط والسخرية، إلى الغيبة، والانتقام، والأذى، من الأخر مبقاش ليها أخر.
٢. الأهل كانوا ومازالوا هم السند الحقيقي للأولاد والبنات، لو العالم كله كدبك وأهلك صدقوك دي ثقلها كبير قوي والعكس.
٣. الميل العاطفي والجنسي للشباب مهم جدا توجيهه، زرع أفكار إن البنات تحافظ على نفسها وتخلي بالها على عواطفها وجسدها مبدأ مهم.
٤. الهوية هي كنز معرفته وتحديده من سن مبكر مع فهم ووضع هدف للحياة، كل دي محصنات للشباب من اضطراب الهوية وانعدام الثقة بالنفس.
وتابعت ماهر:
٥. الأم اللي بتحسس بنتها إنها مش على قدر كافِِ من الجمال أرجوكي راجعي نفسك، لأن حتى الجمال نفسه معاييره بتختلف من يوم للتاني، فبلاش نضعف نظرتهم لنفسهم وندمر الثقة والاعتزاز بالنفس علشان أسباب ممكن تتغير.
٦. الحب مش كلام ومش لمسات، الحب أمان واستقرار، وفكره أن الشباب في كتير منهم غير مسئول "زي ما قال مستحيل اتجوز البنت اللي مصاحبها " كلها أجراس خطر كبيره للبنات اللي عايشة في الوهم .
وأكملت نانسي:
٧. انعدام الضمير والبحث عن المادة لدرجة ان بنت تقول "معنديش مشكله ابقي زوجة تانيه لحد علشان غني كدة" كلها بتعكش السطحية والعلاقات الهشة للشباب .
٨. الانتقام بيؤذي وبياخدلك حق من وجهة نظرك بس اللي بيدمره جواك أكتر بكتير
٩. البيت السوي بيبقى هو الأهم من الغنى والمراكز كمصدر للأمان والحب والسند
١٠. الشباب تحت ضغوط جباره والجيل دلوقتي عينيه انفتحت علي حاجات كتير قوي قبل أوانه، فمهم جدا نرجعلهم الإحساس بالأمان على نطاق الأسر أولا ثم المجتمع ثانيا.
اقرأ أيضًا..
