نص أقوال الشيف علاء الشربيني أمام النيابة بعد دهس ابن زوجته لعامل دليفري
والدة الأول على الثانوية الأزهرية: حطيت لأولادي حدودًا لاستعمال الموبايل
الخميس 19/أغسطس/2021 - 09:56 م
أهدى أمير محمد فهمي، الأول مكرر على الثانوية الأزهرية، لوالدته عفاف توفيق محمود، باقة من الورد ونسخة من القرآن الكريم، قائلًا: «عاوز أشكرها أولا وأخيرا، وأهديها هدية بسيطة، أعظم كتاب وأعظم دستور وأعظم كلام».
وتابع «فهمي»، خلال استضافته ببرنامج «مصر تستطيع»، المذاع على شاشة قناة «dmc»، ويقدمه الإعلامي أحمد فايق، اليوم، «دي محاولة شكر لأفضالك، وأنا عارف إنها مش هتكفي، ولو جزء 1 في المليون من فضلك، ومن كرمك وتعبك معايا».
السوشيال ميديا مشكلة كل بيت
وقالت والدة الطالب: إن السوشيال ميديا مشكلة كل بيت، «الموبايل المفروض يكون تكنولوجيا بناءة، لكن احنا استعملناه استعمال مش كويس، وأنا حطيت لأولادي حدود لاستعمال الموبايل، مقدرش آخد منهم التليفونات، هما عارفين مصلحة نفسهم، ومقدرين إن التليفون المحمول والنت استعمالهم كوسيلة كويسة، ونستعملهم صح، مش شغال عمال على بطال مع أصحابهم».
أحفادي زي أولادي
وأضافت خلال استضافتها بنفس البرنامج: «بتعامل مع أحفادي زي أولادي، لما بيغلطوا مش بتهاون معاهم، لازم أعلمهم، لما بحب أعاقبهم مش بوصلهم للمكان اللي هما عاوزينه، ممكن أعاقبهم بعدم الحديث معهم، والتعرض عنهم ودة بيحسسهم أنهم فعلا غلطوا ودة أكبر عقاب».
مفتاح الجنة
وأشار عمارة محمد فهمي، صيدلي حر وشقيق الأول مكرر على الثانوية الأزهرية، «لا أتذكر أبدًا أن والدتنا استعملت أي نوع من العنف، هي مجرد تحسسني أنها زعلانة مني، كانت كبيرة جدًّا، مش حكاية خوف منها، لكن كنت واثق أنها مفتاح الجنة والتوفيق في الدنيا».
وأشار إلى أن والده أوصى قبل وفاته بأولاده «أمير» و«أميرة»، كانت وصية واضحة، «وصيته مكنتش كلام لكن أفعال، كان شديدًا في الحق ومحاربًا في سلاح الدفاع الجوي سنة 73، وبالتالي كانت طبيعته في التعامل معانا كلنا فيها الكثير من الحزم في الاجتهاد والنظام في الحياة والتفوق ما انعكس لا إراديا علينا وبالذات على أمير وأميرة».
