منوعات

لطالبات الثانوية.. أهم 10 نصائح قبل دخولك الجامعة

الخميس 05/أغسطس/2021 - 05:16 م

نصائح قبل دخولك الجامعة

كمال القديري

قبل دخولك الجامعة لابد من معرفة بعض النصائح التي تُعينك على استمرارية التفوق بين زملائك واختيار ما يناسب قدراتك، خصوصًا في العام الأوّل من تقديم ملفك الجامعي، والذي يُعتبر هو العام المحوري لتحديد مستواك بين أصدقائك واستكمال دراستك بتفوق دائم.

«هير نيوز» تضع لكِ عشر نصائح قبل دخولك المرحلة الجامعية، وتساعدك على اجتياز سنوات العلم بأعلى التقديرات.

1- الخروج من مرحلة الطفولة

دائمًا كُن مرددًا للذكر واحمد الله على ما أوتيت وما ستؤتى، واعلم أنَّ طالما خروجك من الابتدائية والإعدادية والثانوية، كان بأفضل حال؛ فهو الفضل الكبير من الله عز وجل، حيثُ انتهيت من مرحلة كما يقولون عنها "كئيبة"؛ فكونك خرجت منها فهذا إنجاز كبير جدًا ولابد أن تنظر من الآن على الأعلى والأعلى حتى تستطيع وصوله.

2- كليات القمة ليست معيارًا للنجاح

إذا كان مجموعك الثانويّ لا يسمح بدخولك كليات القمّة؛ فلا تيأس؛ فهناك من دخل القمّة ولم ينجح فيها وطال الفشل، وهناك من دخل المتوسطة ونال حظًا من الاحترام، وهناك من دخل المقبولة وأصبح تاجًا على رؤوس الناس، فلابد أن تعلم أنَّ جميع الكليات تعتبر "قمّة" بالنسبة لك، فحاول الوصول إلى القمّة بنجاحك أيًا كان نوع الكلية.

3- الاتجاه نحو الألقاب والشائعات تعتبر بداية الفشل

يقولون دكتور بيطري "بتاع بهايم"، يقولون صيدلي "بتاع حقن"، يقولون تحاليل "بتاع بول".. كل تلك المسميات هزاليه، لا تلتفت إليها أو ما يشبهها، حاول الوصول إلى أعلى درجات النجاح وأعطي دروسًا في العلم.

4- كن هادئًا ومنسقًا ومهذبًا

متعملش نفسك الباشا تلميذ وتقعد تتكلم وتعطي للعيال تعليمات، خليك راسي وعاقل ومهذب، وركز دائما على كل حاجة بتحصل حواليك، واعرف الغلط وابعد عنه، والصح حاول تقرب منه، الدنيا عايزة اللي يعافر قصادها حتى لو كانت عنيدة.. وأنت بطل وقدها.

5- احترم الدكاترة وكن رقيقًا

الدكاترة ليهم الفضل بعد ربنا في إنك تخلص تعليمك على خير، علشان كده خليك مؤدب في الكلام معاهم، ومينفعش إنك تقوم للدكتور أول ما يدخل المدرج، شغل المشاغبة بتاع المدارس ده بلاش منه. أنت خلاص بقيت طالب جامعي يعني وقور بين الناس.

6- معيد مع مرتبة الشرف

المعيد مش بس بيكون الطالب الدحيح، لأن في ناس كتير دحيحة بس في الأخر مش فاهمة حاجة لأنها بتحفظ وخلاص، أما أنت بقا خليك دحيح ناصح، يعني افهم قبل ما تحفظ، ودايمًا خليك لطيف علشان زملائك يحبوك وميقولوش عليك مغرور، وابعد عن المشيّ مع الناس الفاسدة لأنه هيضرك، وقسم يومك على المذاكرة واللعب والنوم، ما هي الحياة مش قفش قفش يعني.

7- اصبر تنول

خليك دايما صابر على كل حاجة ومتستعجلش كله بيجي بوقته، المهم إنك تركز في مستقبلك وتعطي الأولوية لدراستك وبعد كده الأحلام بتيجي خطوة خطوة.

8- حضورك سر نجاحك

متقولش صاحبي الفلاني هيجيب ليا المحاضرة واذاكرها، ربما يكون مكتبش معلومة مهمة ورا الدكتور، وربما يكون هو كمان محضرش وجابها من واحد فاشل كان نايم وهو بينقل، علشان كده لازم تحضر أنت وتكتب بخط إيدك علشان تفهم أنت بتذاكر ايه وازاي.

9- شيطان الغربة

اوعى الغربة تغيرك وتقول أنا بعدت عن أهلي وهعمل اللي أنا عايزه، صدقني هتضيع بمعنى الكلمة، خليك دايمًا زي ما أنت بأصلك وتربيتك الكويسه، وراعي ربنا في أبوك وأمك اللي مستنينك تشرفهم، الغربة فيها كتير فخليك حريص لتتعلم حاجات وحشه هدمرك.

10- شوف أخطاء غيرك واتعلم

شوف الناس اللي سبقوك وحاول تتعلم من أخطائهم، هتنفعك كتير، ودايمًا خليك قد المواقف مهما عاندت معاك، قولنا الدنيا محتاجة اللي يعافر معاها.

وفي النهاية لكل مجتهد نصيب واوعى تيأس من نصيبك مهما كان يا نجم.

اقرأ أيضًا..