أهمهم الهدوء والعقلانية.. فروق بين الرجل القوي والقاسي

قال عمرو منتصر استشاري العلاقات الإنسانية، أنه يمكن تمييز الشخص القوي بالهدوء وقلة الغضب والقاسي باستخدام وسائل بديلة عن العقلانية والهدوء، وجاء ذلك في حواره لبرنامج "هي وبس".

وأشار إلى أن الغضب الزائد بدون أسباب هي شعور بعدم القدرة على السيطرة؛ حيث قال: "أنا بحب الشخص القوي جدًا وبحب التعامل معاه؛ لأنه بيكون هادي جدًا، وقليلا ما يتعصب، وإذا تعصب أو غضب تكون في حالات قليلة تستدعي فعلا التعصب، في حين أن الإنسان الغضوب بيحس من جواه إنه مش عارف يسيطر فيضطر للجوء لأدوات أخرى للسيطرة".

وأضاف "منتصر"، "الشخص القوي كلامه دائما به عقلانية، ومبيغيرش كلامه، ومبيتأثرش باللي حواليه ولا بيغير طريقته لأي سبب".

اقرأ أيضًا..

إزاي تتعاملي مع الرجل اللي شايف نفسه؟ 3 نصائح من رضوى الشربيني

وأكد عمرو أنه لا يمكن اعتبار عدم مبادرة الرجل بالاعتذار على أنها قسوة في كل الأحوال، فكل حالة لها ظروفها، ويتابع: "ممكن يكون ميتكلمش لأن الوضع يستدعي كده، وممكن تكون دي قسوة منه تعود عليها".

وأشار "عمرو" إلى أنه يمكنها أن تعرف سكوته عن الكلام أو الاعتذار هي قسوة أم لا من خلال "وقت كتير تشوف فيه الإنسان ده هل فعلا رد فعله بتكون عشان الموقف يستدعي ده ولا هو متعود على القسوة ومتعود إنه لما يتخانق يسيب اللي قدامه هو اللي ييجي يعتذر له حتى إذا كان هو اللي غلطان".