حلا شيحة تتبرأ من أحضانها مع تامر حسنى: «ما يرضيش ربنا استغفر وتوب»

تصدرت الفنانة حلا شيحة ترند جوجل بعدما شنت هجوما لاذعا ضد الفنان تامر حسنى، بعد تجاهله طلباتها فى منع طرح لها فيديو كليب أغنيته الجديدة "بحبك" من فيلمهما "مش أنا".

وتضمن الكليب عددا من المشاهد الرومانسية التى جمعتهما، وكتبت "شيحة" عبر حسابها على موقع "إنستجرام" قائلة: "أنا اتفاجئت بنزول كليب يجمع فيه مشاهد متفرقة من الفيلم وفى أيام ذى الحجة أيام مباركة وخصوصاً بعد آخر بوست نزلته ووضحت فيه أنا إيه.. واتفاجئت أكتر خصوصا بعد وعد تامر حسنى ليا وتأكيده أنه حيحترم رغبتى وبعض الطلبات اللى طلبتها منه بكل احترام وود الصيف اللى فات وأكدلى أنه حيحترم رغبتى".

وأضافت: "إحنا يمكن نجحنا بمقاييس الدنيا بس صدقونى بمقاييس ربنا إحنا لم ولن ننجح.. أنا عارفة ومتاكدة أن زملائى جواهم خير بس للأسف فتنة الشهرة والنجاح مش بتخلينا نشوف ونقيس الأمور صح".

واستطردت: "بتكلم من قلبى الكليب ده ميرضيش ربنا وأنا عيطت لإنى شفت نفسى فى المشاهد دى.. دى كانت زلة نتيجة ظروف مريت بيها وكلنا بنغلط ولازم نغلط علشان أحنا بشر بس المصيبة أننا بنغفل وبننسى..

أنا مش حتكسف من حد أنا توبت من المشاهد دى وهى لا تصح وأنا غلطت وبصلح وأهم حاجة أن ربنا يرضى عنى لأن فى الآخر ده اللى حينفعنا مش الشهرة ولا النجاح لا هو مش نجاح أصلا علشان النجاح الحقيقى حاجة تانية خالص أحنا أغلبنا ناسينها إلا القليلين منا".

وتابعت فى رسالتها الهجومية ضد تامر حسنى قائلة: "الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن.. احنا كلنا عندنا امتحان فى الدنيا دى وحابة افكرك بالفيديو ده يا تامر اللى قولت فيه أنا مش بتمنى أموت وأنا مطرب أنا دايما خايف من كده.. كلام أكيد قولته فى لحظة صدق جواك وجوانا كلنا.. شوفه تانى يمكن يفكرك أن جواك أكيد فى صراع وأنا وكلنا".

واختتمت: "كلنا بنغلط بس المهم فى الآخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها فى الخير عشان يبقى فن بجد".

وكان تامر حسنى، قد نشر أغنية بعنوان "بحبك"، للدعاية لفيلمه الجديد "مش أنا"، وهى من كلمات محمد محسن، وألحان محمد سراج، توزيع توما.

وتدور قصة فيلم "مش أنا" حول حالة نفسية ما تصيب "حسن" تامر حسنى وتربطه علاقة قوية جدا بوالدته المريضة وهى الفنانة سوسن بدر، حيث يحرص دائما على الجلوس معها أطول وقت ممكن ومراعاتها والعناية بها فهى محور حياته.

فيلم "مش أنا" يشارك فى بطولته بجانب تامر حسنى، كل من ماجد الكدوانى، سوسن بدر، حلا شيحة، بالاضافة لعدد كبير من النجوم، الفيلم قصة وسيناريو وحوار تامر حسنى، وإخراج سارة وفيق