أسما في دعوى خلع: أتجوز بفلوسي بنت صغيرة

"نصب عليّا واتجوز بفلوسي بنت صغيرة".. هكذا وقفت "أسما. ص" أمام محكمة الأسرة في مدينة نصر في دعوى خلع ضد زوجها "أشرف. ث".

وقالت الزوجة "أسما. ص"، في الدعوى التي حملت رقم 5589 لسنة 2021، إنها تزوجت منه منذ حوالي 25 عامًا ظلت فيها تخدمه وتعطيه ما يطلبه من مالها الخاص، بالإضافة إلى أنها تعاملت معه على أنه زوج العمر كله".

وأضافت الزوجة: "كان معيشني طول المدة دي في نعيم وأنا مكنتش بستخسر فيه حاجة عشان هو حياتي كلها، بس ده كله اكتشفت إنه كان عشان ياخد فلوسي اللي هي أكتر من 500 ألف جنيه عشان يروح يتجوز بنت صغيرة عندها 25 سنة".

وتابعت: "مفتكرش ولا يوم من الأيام الحلوة اللي قضاها معايا، ومن كتر ثقتي فيه عملتله توكيل بكل ممتلكاتي، لكنه طلع مش يستاهل أي حاجة".

واختتمت: "عايز فلوسي منه ومش عايزة أعيش معاه تاني؛ لأنه مصانش العشرة ولا العيش والملح".

فيما أكدت الزوجة خلال الدعوى، أنها طلبت منه الطلاق أكثر من مرة ولكنه رفض ذلك؛ لذا توجهت لمحكمة الأسرة حتى تعيد ممتلكاتها وتطلب الخلع.