حوادث

«مراية الحب عمياء».. سارة تطلب الخلع والسبب: «أبويا اللي بيصرف علينا»

الأربعاء 02/يونيو/2021 - 04:53 م

«مراية الحب عمياء».. سارة تطلب الخلع والسبب:«أبويا اللي بيصر

هاجر الصباغ

«أبويا اللي بيصرف عليا أنا وعيالي، غلطتي إن الحب عماني ووافقت اتجوز شخص بخيل».. هكذا بررت "نجوى. ت" طلبها للخلع من "مازن. ق" أمام محكمة الأسرة، بعدما ادعت بخله ورفضه الإنفاق عليها وعلى أولاده.

مراية الحب عمياء

وقالت "نجوى" بالدعوى رقم 424 لعام 2021 إنها تزوجت منذ 10 سنوات، وبالرغم من وجود فرق كبير في المستوى الاجتماعي إلا أن حبها له أعماها عن عيوبه، ليستغل الزوج تلك النقطة وينفق عليها بشح شديد « مراية الحب عميا زي مابيقولوا، وعشان كده اتغاضيت عن عيوبه وصممت اتجوزه، 7 سنين عايشة مع راجل بخيل بيستخسر فينا الاكل».

أبويا كان بيصرف علينا

« أبويا كان بيصرف علينا لما يلاقيني محتاجة حاجة، وخلفت ابني إياد وقولت هيتغير بس بخله زاد وبطل يصرف علينا حتى الأكل»، لتصرخ الزوجة وهي تؤكد بأن أباها هو من تكفل بابنها ومصاريفه، وأصبح ستولى رعايته وطعامه ولبسه، وزوجها لا يحاول حتى التدخل أو التغير، بل أصبح يتعدى عليها عندما لا يجد طعام في المنزل، أو يجدها أنفقت كل أموال أبيها.

ندمت إني حبيته أو اتجوزته

رفضت الزوجة الاستمرار في تلك الزيجة بعد ندمها على حبها لذلك الشخص« اتأكدت إن حبي ليه غلطة، وجوازي منه غلطة، مكنش لازم أوافق على واحد أقل مني في كل حاجة»، لتقرر الزوجة طلب الطلاق وعندما رفض فلجأت لمحكمة الأسرة وأقامت دعوى خلع.