شراكة بين صندوق التنمية الحضرية و«بنك نكست» لتوفير سكن كريم للمصريين
جميلة أمام محكمة الأسرة: «عشت خدامة ليه وفي الآخر اتجوز عليا»
الثلاثاء 30/مارس/2021 - 07:34 م
هاجر الصباغ
«لو مش عاجبك، الباب يفوت جمل»، بعد زواج دام 20 عامًا، قال "سعيد" لزوجته تلك الكلمات، ضاربًا عِشرة الأعوام الطويلة عرض الحائط.
تفاصيل حكاية "جميلة" أمام محكمة الأسرة
سيدة في أواخر عامها الـ39 ترتدي جلبابا وتبكي بحرقة زوجة وأم، تطلب الخلع وتتنازل عن حقوقها «ضيع حقي ورماني في الشارع، ذلني ودخل عليا ببنت من الشارع بيقولي دي ست البيت، نيمها على سريري ونمت أنا على الأرض، ولما اعترضت ضربني ورماني في الشارع بعيالي»، كلمات بدأت بها جميلة الحديث أمام محكمة الأسرة بروض الفرج، وهي تطلب الخلع.
«طول عمري شايلاه، عشت تحت رجليه خدامة، عمري ما قصرت في حقه، استحملت أنا وعيالي الفقر والجوع، كان بيجي علينا أيام مبندوقش فيها طعم الأكل، وفي الآخر أول ما ربنا فرجها عليه رماني أنا وعيالي في الشارع، ونسي اللي عملناه واستحملناه عشانه»، لتبكي الزوجة أنه دخل عليها بفتاة ليس لها أهل، وتعدت الـ 22 عامًا، وعندما حاولت الاستفسار عن سبب وجودها وعن أهلها، أجاب بأنها وحيدة وستكون سيدة المنزل، ومن بعدها بدأ يعاملها كزوجته.
اقرأ أيضا.. «حماتي مفترية».. هالة تستغيث بـ «محكمة الأسرة»
طردها لاعتراضها على علاقته المحرمة
لم يتزوجا ولا يملكا الإثبات على زواجهما، حتى ولو مجرد ورقة يحللا بها لنفسهما جُرم فعلتهما، وعندما اعترضت جميلة على تلك الدناسة بمنزلها وأمام ولديها ضربها زوجها «دخلت الأوضة شفتهم مع بعض في وضع حرام، زعقت واتخانقت وقولتله إزاي يعمل كده وعياله كبار وفاهمين، قالي إنهم متجوزين، ولما طلبت أشوف إثبات الجواز، اتهرب مني بضربي وطردي من الشقة أنا والولاد، وقالي دي ست البيت وستك».
واختتمت: «معايا ولد وبنت وقاعدة بيهم في الشارع، قولتله يطلقني ويشوفلي مكان أنا وعيالي نعيش فيه، رفض، فمكنش قدامي غير محكمة الأسرة».
