مدرس العربي خدع طالبة الثانوية بـ«ورقة عرفي»

«ضحك عليا واتجوزني عرفي، 8 شهور بس وبعدها اتهرب مني، ده المدرس بتاعي وعلاقتنا بدأت من سنة»، وقفت أسماء الطالبة بالصف الثاني الثانوي تطالب بإثبات زواجها من «أحمد.ع» مدرس اللغة العربية، وتؤكد بأنها وقعت نتيجة خداعه وكلامه المعسول.

الزواج العرفي

حسب رواية الطالبة أسماء، بدأت الحكاية من عام ونصف تقريبا، عندما كانت بالصف الأول الثانوي، لتبدأ النظرات بين المدرس والفتاة، حكاية شبه دائمة تحدث لفتيات المراهقة والمدرس الصغير بالسن، ولكن الغريب في تلك القصة هو الزواج العرفي.

اقرأ أيضًا.. «اللى مني باعونى».. منة تخطف زوج شقيقتها بـ«ورقة عرفي»

وتابعت: «فضل يقولي بحبك وبعشقك، لحد ماوقعت في حبه، هو اللي خلاني أعشقه وبدأت أغير وأخاف عليه، طلبت منه نتجوز كتير بس هو كان بيقولي إني لسه صغيرة، وأهلي مش هيوافقوا، وبعد شوية بدأنا نخرج لوحدنا ويمسك ايدي ويلمس جسمي، ويكلمني بالساعات في التليفون، لحد ما قالي إنه مش قادر يستغني عني ولازم نتجوز».

رفض توثيق الزواج

«فرحت لأنه خلاص عاوز يتجوزني بس فوجئت بيه بيقولي نتجوز عرفي لحد ما أدخل الجامعة ويجي يتجوزني رسمي، وعشان بحبه وافقت، قضينا مع بعض 8 شهور، أجر شقة نتقابل فيها، وكنا بنمارس حياتنا زي المتجوزين، بس فجأة هو اتغير»، لتبدأ أسماء بالبكاء، وأضافت أن المدرس والزوج العرفي بدأ بالتهرب منها واتهامها بالجنون، ورفض توثيق زواجهما الرسمي، فاضطرت لإخبار والداها، بعدما فشلت في إقناعه بتوثيق الزواج وفشلت بإثبات الزواج، ولم يكن أمام الأسرة سوى اللجوء لمحكمة الأسرة لإثبات الزواج.