فن وثقافة

صباحك مع هير نيوز: استمتعي بطوف وشوف مع أم كلثوم

السبت 13/مارس/2021 - 10:36 ص

أماني سلام

يسعد صباحك جملة بسيطة ولكنها تفرق كثيرًا؛ إذ إن بداية يومك تؤثر دائمًا على باقي ساعاته وكيفية سيره بداخلك، لذلك عليك أن تبدأ يومك بأشياء تبث السعادة داخلك، لذلك نقدم لك "صباحك مع هير نيوز".

قررنا في "صباحك مع هير نيوز" أن نجعلكِ تستمتعين مع صوت رغم أنه فارقنا من زمن بعيد، فإنه نال إعجاب كل الأجيال، وهي كوكب الشرق أم كلثوم.

ونقدم، اليوم، في صباحك مع هير نيوز أغنية "طوف وشوف" وهي من أكثر الأغنيات التي تحض على العمل والنشاط، وهي من كلمات عبد الفتاح مصطفى، وألحان رياض السنباطي.

وجاءت كلمات أغنية "طوف وشوف"، التي نقدمها في صباحك مع هير نيوز كالتالي:

طوف بجنة ربنا ببلادنا واتفرج وشوف

ضفتين بيقولوا أهلا والنخيل شامخ صفوف

وابتسامة شمسنا أجمل تحية للضيوف

والنسيم يرقص بموج النيل على الناي والدفوف

طوف وشوف

شوف هنا جنب المصانع والمداخن والزحام

الغيطان اللي آخرها المدنة وأبراج الحمام

والسواقي اللى ما نامت ليلة من كام ألف عام

شوف جمال الريف وآمن بالمحبة والسلام

طوف وشوف

شوف آثار أجيال ملوا الدنيا حضارة وابتكار

علموا قلب الحجر يوصف معارك الانتصار

علموه يبقى سفير الدهر ليهم بالفخار

كان نهار الدنيا ما طلعشي وهنا عز النهار

طوف وشوف

كل دي كانت كنوز الماضي شوف حاضر بلادي

شوف كنوز الثورة فيها والمواهب والأيادي

اللى بيهم سدنا يعلا وفيض الله يزيد

يزحفوا بالميه تخلق م العدم عالم جديد

يكشف سر الصحارى يصهروا عزم الحديد

يوصلوا الدنيا بقنالنا من هنا من بور سعيد

طوف وشوف

الجنود اللى بيحموا مجدنا من كل عادي

الصفوف اللى يبنوا بعزمهم نهضة بلادي

اللى خطوتهم تبوسها أرضنا وتقول ولادي

نادوا بالحرية قام الشعب وأتحدى المحال

والأمل اصبح عمل والخيال أصبح نضال

هى دي ثورة بلادي اللى حققها جمال