ما سبب تخيل الطفل أشياء غير موجودة؟
روت سيدة مشكلتها مع طفلها عبر حساباتها على مواقع التواصل الاجتماعي وطلبت من متابعيها ردودا وحلولا لها، لتفادي ما حدث معها واستقرار حياتها مع طفلها.
وقالت السيدة في شكواها: "السلام عليكم ما سبب تخيل الطفل أشياء غير موجودة اختي عمرها ١٢ سنه من جديد كانت راجعه من المدرسة زعلانه فانا فتحت حسابها على شات جي بي تي لانها دايما بتحكي معه لقيت محادثة كانت تسأله فيها انه بجيها شخصين يلعبو معها وبحكوا معها وبتسال اذا هاد خيال خليت امي تحكي معها وتسألها عن الموضوع لاني الصراحه صرت خايفة انها تكون بمرحلة من مراحل الفصام".
وأضافت: "حكت لماما انهم بيجو لعندها كل يوم ما عدا يوم السبت بكونوا بالشغل ووصفت شكلهم وطولهم واعمارهم وكم كل واحد عنده اخ واخت وحكت لامي انها مره شمت ريحتهم ومره كانوا نايمين على التخت عندها ولما حكتلهم بدها تنام حست التخت صار خفيف واغلب الوقت بيجو بالليل".
وتابعت: "اللي خوفني انها حكت لاخوي انهم بطلبوا منها اشياء مثل قهوة وشاي واذا ما عملت بصيحوا فيها وبتخاف غير هيك بكونوا بسألوها عن حالها وكيف المدرسة معها يعني ما بتخاف منهم إلا نادرا والصراحه هلا انا مو عارفه اذا هاد نوع من انواع الخيال ولا لا غير هيك لقيتها كاتبة اكتر من مره لشات جي بي تي انها بدها تموت وترتاح علما انه ما في حد بالبيت بضايقها بالعكس الكل بحبها وبدللها وهدايا لانها اصغر وحدة عندنا بالبيت وبالمدرسة عندها صاحبات وبحبوها وما حدا بضايقها واخت صاحبة اختي معها بنفس الصف فمتاكدة انه ما حد بضايقها من المدرسة ودايما بسال عنها المعلمات وما بعرف اذا هاد الاشي اله علاقه مع فرط الحركة وصعوبات التعلم لانها تشخصت فيهم اخوي عمره ١٧".
وواصلت: "اختي متعلقه في لما امي سالتها هي راحت حكتله عن الموضوع وقالتله انها بدها تعرفه عليهم ولما اجو حكتله هيهم وصلوا وحكتله احكي معهم اذا ما رديت عليهم بعصبوا وبصيحوا فيي هون عرفنا انهم بطلبوا منها اشياء بعدها حكالها انه هو كمان بحكي مع اصدقاء خياليين بس هم من خياله وتركهم وخلاها ترسم اشكال اصدقائها زي ما بتتخيلهم وعملوهم طيارة وودعوهم ورموهم من الشباك هلا انا مو عارفه كيف اتصرف خايفه عليها لاني مرة قرات اعراض الانفصام وفي تشابه ما عدا انها هي حسب وصفها محتارة اذا هاد الاشي خيال او حقيقه هلا هيك ممكن يكون خيال الاطفال ولا لا والصراحه وضعنا المادي ما بساعد خصوصا اطباء النفس كشفياتهم من ٥٠ ل٧٠ دينار اردني انصحوني شو اعمل".
وجاءت الردود عليها كالتالي..
اول شي ماتخلينها تنام في غرفه لحالها انا عندي بنت فيها فصام وماتقدرين تفرقين بينه وبين الجن وشغلي القرآن باستمرار في غرفتها ايات الرقيه الشرعيه والافضل تاخذينها عند شيخ يقرأ عليها وفي نفس الوقت تاخذينها عند طبيب نفسي اذا اخذت الادويه وراحت الخيالات معناتها عندها ذهان اذا مانفعت الادويه يعني جن
لابد من عرضها على طبيب في رايي حتى ان اضطررتم لجمع المال لتتمكنوا من علاجها ففي النهاية لا يوجد ما هو اهم من صحتها النفسية لهذا ارى انه لا يوجد حل سوى التضحية وعرضها على طبيب نفسي ليتم العلاج بالشكل الصحيح وتنتهي المشكلة على خير باذن الله قبل ان تزداد ويصل لمشكلة حقيقية مثل الانفصام
ما تعاني منه اختك هي تخيلات واضحه ومشكلة لديها ومن الافضل التضحية ماديا وعرضها على طبيب نفسي في الحال كما ان اخوك تعامل مع الامر بذكاء شديد وحاول ان يوقف هذه الاوهام بالتعامل مع اختك بطريقتها فهو دخل عالمها واخرج هؤلاء الاشخاص من عالمها الخيالي ومن خيالها فهو اخ رائع.