مشكلة زوجة: «حماتي بتجيب لبس لابني وحش ومش برضى أكسر بخاطرها».. ماذا أفعل بالملابس؟

ونشرت زوجة حديثة العهد بالزواج مشكلة عبر منصات التواصل الاجتماعي حدثت معها ومع والدة زوجها، حيث كتبت: "جماعة عندى بيبى ١٠ شهور حماتى بتجيبله من وقت للتانى لبس على سبيل الهدية يعنى، والحقيقة ذوقها مبيعجبنيش واللبس شعبي أوى وأحيانا شكله بناتى وأنا مش حابة البسهوله أنا كنت باخده منها عادى وبلبسهوله بس الموضوع زاد والصراحة هو بيبقى محتاج حاجات ثانية فأنا كده كده بشتريله برضو لأنها متعرفش اللى ناقصه، أنا مش عايزاها تكلف نفسها وأحمل نفسى جمايل لأنى كده كده مش مستفيدة وبضايق وهو لابس حاجة أي كلام، وفى نفس الوقت مش عايزة ازعلها، قولولى اتصرف ازاي لو سمحتم". 

وجاءت ردود رواد منصات التواصل الاجتماعي على مشكلة سيدة مع والدة زوجها كالآتي: 

كتبت ياسمين عمر: "لا طبعا متكسريش خاطرها خدى منها وخلاص كتر خيرها ومش جمايل ولاحاجة ده ابن ابنها أعز الولد ولد الولد كتر خيرها اقبليها واتبسطى ولبسهاله ف البيت عادى يعنى وبلاش تزعليها لو ملكيش خير فيها عمرك ما يكون ليكى خير في جوزك". 

فيما كتب معتز عادل: "طيب ما عادي ممكن يلبسه لما يبقى رايح يزورها كنوع من جبر الخواطر ، وبعدين بيقولك أعز الوِلد وِلد الوِلد ، يعني بالنسبالها البيبي غالي عندها وحقها تجيبله بما إنها جدته وأنتي بلاش تأڤوري وتكبري الموضوع ، ابنك مش هيروح باللبس هيئة الأمم المتحدة يعني ماتزعليهاش". 

اقرأ أيضا..