شاب في حيرة: «مرتبط بفتاة ولكن أشعر بالخوف بسبب الفارق الاجتماعي بيننا».. ماذا أفعل؟

بدأ شاب يحكي مشكلته مع فتاة يريد أن يتقدم لأهلها لخطبتها ولكن يخاف من أهله بسبب عثوره على بعض الأمور التي قد تكون عائق يعترض عليه أهله ، حيث كتب عبر منصات التواصل الاجتماعي: "مشكلتي باختصار شديد أن بحب واحدة وهي كمان بتحبني، بس في فرق في المستوي الاجتماعي زي أنا والدي ووالدتي خريجي كليات قمة ووالدها كان عامل في مصنع ووالدتها غير متعلمة مع العلم أن إحنا الاتنين نفس المؤهل العلمي، وأهلها من نوع اللي بيلبسوا جلاليب ودة طبعا مش عيب أنا بس بوضح نظرة أهلي، وأهلي بيشفولي بنات من نفس المستوي ومش قصدي تكبر خالص هو مستوانا مستوي متوسط مش الثراء الفاحش يعني، بس البنت لاحظت منها تصرفات أنا عارف أنها لو حصلت قدام حد من أهلي هيلومني وهيبصلي بصة إن أنا ضيعت نفسي وهكذا.. وأحنا بقالنا 4 سنين مع بعض وكل يوم كان حبنا بيزيد مش بيقل ولا ينقص وبرضو كل يوم بتعذب عذابين عذاب لو خسرت أهلي واختارتها متطلعش قد الاختيار ده وتخذلني، وعذاب لو سبتها وبعدت عنها ملاقيش حد بيحبني الحب ده لأنها فعلا لو قولت أنها بتحبني أكتر من والدتي مبقاش بهول الأمور، كل المطلوب من حضراتكم أو بالخصوص الناس اللي عدت بنفس التجربة تقولي الخير فين... وشكراً". 

اقرأ أيضا.. 

وجاءت تعليقات رواد منصات التواصل الاجتماعي بشكل كبير مؤيد لموقف الفتاة ضد الشاب، حيث جاءت كالآتي: 

فكتبت دعاء عطية: "التكافؤ مطلوب فعلًا بين الطرفين وكان لازم تكون عامل حساب كده من الأول عشان متعلقهاش معاك كل الفتره دي.. ولأن خلاص معدش ينفع تسيبها حاول تاني مع أهلك وكن حريص أنك توازن علاقتك معاهم ومع البنت عشان مينفعش تخسر طرف منهم الأهل مهمين وخسارتهم أكبر خسارة ممكن تواجهها حاول مرة واتنين تقنعهم بيها". 

فيما كتب إسلام هشام: "خد اللي شبهك وسيبها تأخد اللي شبهها وكلامك عمومًا معناه أنك مش مقتنع بيها، وبتفكر وبتبصلها بوجهة نظر أهلك والمجتمع مش بوجهة نظرك أنت، لأنك لو معتمد أنك هتغير ده في يوم من الايام تبقي غلطان الطبع غلاب عموما، ومش هتوصل للمرحلة اللي في دماغك مهما حاولت أو عملت وربنا يكرمك باللي تناسبك". 

اقرأ أيضا...