زوجتي خانتني مع زوج أختها في المصيف.. ماذا أفعل؟

روى رجل مشكلته مع زوجته، عبر حسابه على مواقع التواصل الاجتماعي وطلب من متابعيه ردودا وحلولا لها، لتفادي ما حدث معه واستقرار حياته الزوجية.

وقال الرجل في شكواه: "مراتي طلبت اننا نروح مصيف في شرم الشيخ مع اختها وجوزها، هو مصري بس متغرب في دولة اوروبية لكن أنا شغال في مصر وبالنسبة لظروف شغلي مكنش فيه فرصة إني آخد إجازة واروح معاهم المصيف، فاعتذرت لمراتي اني مش هقدر اروح وحجزتلها سويت هي وأولادي جنب أختها".

وأضاف: "المهم إنهم راحوا أسبوع المصيف ورجعوا وطبعا زي أي زوج لما لقيت مراتي راجعة مبسوطة فرحت (ما مفيش نكد بقى)".

وواصل: "المشكلة بدأت لما لقيت صور لمراتي بمايوه بكيني على لانش ولما سألتها قالتلي ده بتاع أختي وكنت بجربه وهي اللي مصوراني، حصل وقتها خناق وزعيق ليها إزاي تلبس مايوه وان دي مش عاداتنا وكده وقعدنا متكلمناش يومها، ولحسن حظي وانا بهزر مع ابني وبقوله ايه ياعم كنت بتعوم في المياه ولا لابس عوامة".

واستكمل: "قعد يحكيلي عن انبساطه في المصيف وفي وسط كلامه اتكشف كل اللي حصل وكنت متغمي عنه، لقيت الطفل بيقول إن اونكل (زوج أخت مراتي) خد ماما وطلعوا رحلة باللانش وخالتوا فضلت قاعدة معايا، لما قالي كده متسرعتش وواجهت مراتي زي الموقف بتاع البكيني لكن فضل ييجي في بالي مواقف كتير وكلام كتير شكر بتقوله على جوز اختها قبل كده، علطول جه ف بالي وقولت أراقبها بدل ما أواجهها وتاخد حذرها لو فيه حاجة بينهم، وفرصتي جاتلي لما سابتلي الموبايل بكلم والدي".

وقال: "فتحت الواتساب لقيت كلام غرامي وحب وكلام بيبين ان فيه حاجات كبيرة بينهم وصلت للي انت فاهمه!! ايوة اللي في دماغك".

وأضاف: "طبعا انا معرفتش اتعامل معاها طبيعي بعدها بس مقولتلهاش على اللي شوفته لحد ما اشوف انا هعمل إيه، اخت مراتي عندها بنتين وست في منتهى الاحترام".

وتابع: "انا طبعا فكرة الطلاق كانت شيء مؤكد لكن افضح الأمر ولا اطلق في سكات؟ وفيه مشكلة أكبر اني ماضي على قايمة ومش عارف اعمل ايه، مش عارف أحل من انهي ناحية وازاي !".

وواصل: "لحد ما بقيت واقف مش عارف اعمل ايه، لو حكيت اللي شوفته هيبقى منظرها ايه ودي مراتي أم عيالي (هي مش فارقة معايا) وإني اكشف سرها أو لأ مش فارق معايا عشان عيالي، فـ مش عارف اعمل كده ولا اسكت عشانهم، وفي نفس الوقت مستحرم مقولش وأخت مراتي تتظلم مع جوزها اللي خاڼها".

وطلب الرجل رأي متابعيه: "انتو رأيكم اعمل ايه لأني حرفيًا أنا عاجز ومش لاقي حل مناسب يمكن تفيدوني".

وانت كقارئ لـ"هير نيوز" كيف تنصح هذا الرجل لو كنت في مكانه؟.