بملعقة واحدة.. 6 فوائد للعسل تحدث في جسمك لن تصدقيها.. ما هي؟
امرأة:« أعاني من إهمال زوجي لي».. كيف أتصرف معه؟
السبت 19/أكتوبر/2024 - 12:00 م
أيه عدلى
أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" م. ش " عمرى27 سنة".
و أضافت في رسالتها : أنا متجوزه بقالي سبع شهور ، في الاول كان جوزي وصحبي وحبيبي وكل يوم بليل نعمل سهره ونستمتع سوا ، بالتدريج الموضوع ده بقي يحصل مره في الأسبوع او كل اسبوعين كمان.
وتابعت : اتكلمت معاه كتير انه يكون جمبي كل يوم زي الاول ، بيقولي صعب عشان بيرجع من شغله تعبان ، هو فعلا بيشتغل اغلب اليوم بره وبيلف علي رجليه في الشمس.
وإختتمت مشكلتها قائلة: انا عندي 27 سنه وهو 32 يعني في عز شبابنا انا محتاجه اهتمام دايم مش مؤقت ، يعني انا افضل محبوسه بين اربع حيطان اطبخ وانضف واغسل بس، هو ده الجواز؟ حد يجاوبني انا زهقت وعايزه اطلق.
وجاءت بعض التعليقات على هذه المشكلة كالآتى:
حبيبت حمادة
والله اللي احنا فيه من بلاء ده مش شوية فينا
لما بقت اسرار البيوت تنطرح علني كده مفيش خشا ولا ادب احترمي نفسك انتي مستنيه حد يقولك تعالي خاص ولا ايه مش فاهمه
اللي بين الست وجوزها زي القبر وأفعاله يا عالم يا اللي معندكوش فهم ولا تربية.
Mohamed Wazery
هوه الجواز للاسف كده وبالنسبه لظروف الحياه والمشقه في الرزق اكيد هيرجع تعبان ، ربنا يكرمك بطفل هيلهيكي عن كل الي بتقولية .
أشرف أبوسنه
مش هتلاقى حد يتجوزك الا مطلق او ارمل استحملي.
مريم الأصبح
تخيلي انتي طول النهار بتلفي في الشمس وتعبانه وطالع عنيكي ومطلوب منك تروحي تسهري وتتكلمي وتركزي حطي نفسك مكانه.
هيام السيد
ده العادي مع الغلا والعيشه الي احنا عيشنها يعمل ايه لازم يبقي طور في سقيه عشان يكفي ، احمدي ربنا غيره بيقعد ويستنا الي يصرف عليه انزلي اشتغلي او اشتغلي حاجه اونلاين من البيت، لو مش عوزه تنزلي اشغلي وقتك عشان متمليش ويوم الاجازه اقعدي معاه برحتك ربنا يعينه علي لفه في الشوارع وشغله، مهو ده حب بس حب حقيقي مش كلمتين سهلين ومفيش سند ولا راجل بجد.
اقرأ أيضا..
