خصوصية زوجة: «زوجة أخي تطلب الطلاق بسبب أمي وشروطها للرجوع صعبة» ما الحل؟

وقد انتشرت مشكلة لسيدة تطلب الطلاق من زوجها بسبب أهل الزوج وعدم احترام خصوصياتها، عبر مواقع التواصل الاجتماعي، واستهلت أخت الزوج المشكلة، قائلة: "زوجة أخويا ساكنه معانا في العمارة في الشقة في وش شقتنا، هى من ساعه ما اتجوزت وهى كانت سايبة أخويا الصغير عادى داخل طالع على البيت وأنا وماما وعادى فاتحه البيت لأى حد بالمودة والرحمة، في يوم مامتى دخلت البيت بالمفتاح وهى كانت بملابس النوم نوم، وأخويا، كان مدي لماما المفتاح علشان تدخل تتوضأ علشان الحمام بتاعنا فيه صيانه المهم أول ما شافت ماما جريت على الحمام وغيرت هدومها".

وأضافت أخت الزوج عبر مواقع التواصل الاجتماعي: "ومن ساعتها، وهى متغيرة واتخانقت مع أخويا أن ازاى مامتك تأخد المفتاح وليه متخبطش وعدى الموضوع المهم اتخانقت هى واخويا بسبب ماما لأنها في أي مشكلة بتحصل بتتدخل، فانفجرت مرة واحدة وراحت عند أهلها ومصممة على الطلاق بسبب أسلوب ماما وتدخلنا الزيادة في خصوصيتها والموضوع وصلته لمحاضر وتمكين شقة، علشان معاها بيبي، المهم أخويا فضل وراها وصالحها، هى بقي حطت شروط ترجع عليها أول شرط أن أخويا يخلص الديون بتاعته كمان كام شهر وعايزة شقه برة، تانى شرط عايزة خصوصية ليها جدا واللي يدخل يقعد شويه ومش كتير وفي الصالة برة، وأن دى آخر فرصة لأخويا، ولو حصل تجاوزات تاني مننا ليها أو أخويا ليها قدام حد هتتطلق وهترفع قضايا تاني".

اقرأ أيضا.. 

وبدأت التعليقات تنهال على مشكلة طلاق زوجة بسبب عدم احترام أهل الزوج لخصوصياتها للدفاع عن المرأة وحقها الشرعي عبر مواقع التواصل الاجتماعي، حيث كتبت سهير محمد: "ده الطبيعى العادى جدًا أنها تحس بالأمان في شقتها هو ايه موضوع المفتاح اللي مع حماتها ده، هى دى موضة ولا اية اخواتنا اتجوزوا وعاشوا مطلعناش حتى شققهم إلا في حالة حد تعبان عيد ميلاد واحنا كبنات اتجوزنا بدل السنة ٣٠ سنة مديناش مفاتيح لحد كل الناس حوالينا كدة محترمين وعارفين شرع ربنا غير كدة هذيان". 

بينما كتبت فاطمة الغرباوي تعليق على المشكلة عبر مواقع التواصل الاجتماعي: "عندها حق طبعا مفيش حاجه اسمها معاها المفتاح ولو حصل أن جوزها حاطط مفتاح احتياطي مش من حق مخلوق يقتحم خصوصيتها حتى لو كانت حماتها لازم يكون فى حدود فى كل العلاقات عيب على الزوج أنه ما يراعى حقوق زوجته حتى مع أمه كل واحد له حدود وإلا كانت الدنيا باظت". 

اقرأ أيضا..