كلام ستات

«زوجي مغترب واتجوز عليا بدون علمي وخدت حقي منه» ظالمة أم مظلومة؟

الإثنين 05/أغسطس/2024 - 02:20 م

مواقع التواصل الاجتماعي

ضحى نبيل

أصبحت حكاية سيدة مع زوجها المغترب حديث مواقع التواصل الاجتماعي، وذلك بعدما روت زوجة قصتها مع زوجها المغترب في أحد الدول العربية، وسرعان ما تهالت التعليقات على قصة السيدة مع زوجها، لأنها كانت تسأل إذا كانت وقعت في شرك الظلم بأفعالها أم لم تظلم أحد وهي من تعرضت للظلم في تلك الرواية، وفي السطور التالية توضح «هير نيوز» حكاية السيدة مع زوجها المغترب تريند مواقع التواصل الاجتماعي.

حكاية سيدة مع زوجها المغترب عبر مواقع التواصل الاجتماعي

بدأت سيدة متزوجة حكايتها مع زوجها المغترب عبر مواقع التواصل الاجتماعي بقولها: "أنا جوزى مسافر الإمارات بقاله 10 سنين من تانى أسبوع جواز وأنا كنت متجوزة فى بيت عيلة فلاحين يعنى أقوم من الفجر مبطلعش شقتى إلا على النوم واستحملت كتير وخدمت أهله، ربنا كرمنى بولد وبنت وجوزى مكنش بينزل إلا أسبوع إجازة فى السنة وكان بيبعتلى الفلوس أعمل بيت وأنا بعت كل دهبى وميراثى وحطيت الفلوس معاه بره بيت العيلة وعملت بيت فى قرطين كبير و٣ أدوار".

وتابعت زوجة حكايتها مع زوجها المغترب: "فؤجئت فى يوم وحماتى بتكلمه بالألغاز وكلهم بيكلموه بطريقة غريبة علشان مفهمش، وطلع في الأخر متجوز واحدة مصرية مغتربة معاه وجاى عايز يخليها فى البيت الجديد روحت بالتوكيل نقلت كل حاجه باسمي ماعدا الشقه اللى فى بيت أهله وكلهم بيقولوا طالما مقتدر وايه يعنى محدش حاسس بالنار اللى أنا فيها وأنى ازاى استحملت غربته على حساب نفسى ولما كلمته قالى اضربى دماغك بالحيطة ولما عرف انى كتبت كل حاجه باسمى هددنى بالطلاق أنا وافقت بالطلاق وهروح أقعد فى البيت أنا وعيالى".

واختتمت سيدة حكايتها مع زوجها المغترب عبر مواقع التواصل الاجتماعي: "ده حقى على الأقل وهو وعروسته يقعدوا فى بيت العيلة وتشيل شويه قرف أمه وأهله بس فيه ناس بتقول أنى ظالمة أنا عايزة أعرف أنا ظلمته فى إيه لما اتفاجئ أنه متجوز ومخلف بره وعايش حياته وسايبنى هنا فى قرف أهله وأنوثتى اللى ضاعت وعمرى اللى ضاع وأنا فاكرة ومستنيه أنه لما ينزل هيعوضنى محدش يقسى عليا أنا أصلا تعبانة".

رد فعل مواقع التواصل على حكاية سيدة وزوجها

وتهالت التعليقات على حكاية سيدة مع زوجها المغترب عبر مواقع التواصل الاجتماعي، حيث كتبت منى محمود: "ده حقك وهو يضرب دماغه فى الحيطة انتى اتحملتى كتير اووووى تعب نفسي وتعب جسدى وهو مرتاح متجوز وانتى ولا على باله وبعدين يخليكى تكملى الخدمه لأهله وهو يرتاح مع عروسته فى بيتك كدة كدة هو ملوش مكان عندك بالسلامه طلاقك كان من زمااااان يعنى مش من انهارده هو ظالم ومفترى هو واهله حسبي الله ونعم الوكيل".

كما ردت مروة أحمد حسانين على حكاية السيدة عبر مواقع التواصل الاجتماعي: لا طبعا أنتي مش غلطانة واللي عملتيه ده أقل واجب وأقل رد على اللي عمله معاكي هو وأهله، أنتي عايشة في بيتك وبيت ولادك اللي هم ولاده برضه على فكرة ... أهم حاجة تخلي بالك من بيتك وحقك وحق ولادك فيه وربنا يحفظهم لك ... و حسبي الله ونعم الوكيل في التانيين".