بعد إثارة الجدل.. رضوى الشربيني ترد على سؤال العودة لزوجها
طريقة عمل الأرز باللبن الكريمي
الأربعاء 17/أبريل/2024 - 10:01 م
أيه عدلى
الأرز باللبن الكريمي هو وصفة شهية وسهلة التحضير، و يعتبر من الأطباق المحببة لدى الكثير من الناس ، يتم إعداده بشكل رئيسي من الأرز المطبوخ بشكل جيد ومخفوق مع اللبن الكريمي والسكر، مما يمنحه مذاقًا لذيذًا ومثاليًا لتناوله في أوقات الصيف الحارة.
وفى هذا الإطار تقدم لكي "هير نيوز " طريقة عمل الأرز باللبن الكريمي بخطوات سهلة وبسيطة فى مطبخك .
طريقة عمل الأرز باللبن الكريمي
المقادير
اربع كوب ارز
كوب سكر
4 كوبايات ميه
4 كوبايات حليب
4 معالق لبن بودره
6 معالق كبيره كريم شانتيه بودره
معلقتين كبار نشا
فانيليا
إقراء أيضا ..
خطوات تحضير الأرز باللبن الكريمي
ذوبي الحليب البودرة في باقي كمية الحليب.
ضعي الميه على الرز واتركيهم على النار لحد ما يستوى وتقريبا هيشرب ميته كلها.
هاتى كوباية السكر بتاعتك وحطيها على الرز وقلبى هتلاقيها دابت خالص.
ضعي الحليب والفانيليا واللبن البودره وقلبى كويس وسيبيه ياخد غلوه وبعدين ضيفى الكريم شانتيه الباودر او تكونى مددوباه الاول فى شوية حليب صغيرين.
سيبيه كله على النار لحد ما يغلى وارز يتشرب اغلب الحليب ويتخن معاكى شويه تقومى نازله بالنشا اللى انتى مدوباه شويه بشويه لحد ما يلف معاكى وما تخليهوش يتماسك اوى منك فى الحله.
اطفى عليه واغرفيه فى اطباق وممكن تغرفى شويه منه فى طاجن وتحطى على وشه قشطه وتدخليه الفرن ربع ساعه تكونى مشغله الفرن من تحت وبعد كده ولعى الشوايه ياخد لون.
والاطباق زينيها براحتك مكسرات وزبيب وعلى الثلاجه... وبصحة وهنا.
إقراء أيضا ..
