بملعقة واحدة.. 6 فوائد للعسل تحدث في جسمك لن تصدقيها.. ما هي؟
محمد سلام يعتذر عن موسم الرياض: مش هروح أرقص وإخواتي في غزة بيتقتلوا
تصدر الفنان محمد سلام حديث السوشيال ميديا بعد نشره فيديد عبر حسابه على موقع تبادل الصور والفيديوهات إنستجرام يوضح من خلاله تضامنه ودعمه لفلسطين وأسباب عدم مشاركته في مسرحية زواج اصطناعي في السعودية بموسم الرياض التي من المقرر عرضها يوم 30 أكتوبر.
محمد سلمان يكشف سبب عدم مشاركته في مسرحية زواج اصطناعي
وقال محمد سلام: إن شاء الله هسافر السعودية بكرة عشان أعرض مسرحية زواج اصطناعي ضمن موسم الرياض والمفروض أن الأغنية فيها كوميديا واستعراضات وأغاني، مش متخيل أني هبقى قادر أروح أضحك وأغني وسط الأزمة اللي بتحصل حاليا في غزة والأطفال اللي بيموتوا ويتشردوا أنا مش قادر أسافر طبعا.
وتابع: كنت على أمل أن الموسم يتلغي أو يتأجل زي مهرجان الجونة والقاهرة السينمائي بس للأسف لا اتلغي ولا أتأجل والناس بتموت احد اللحظة ولا حاجة بتحص.
محمد سلام مستنكرا : هروح ارقص وأغني واخواتي في غزة بيتقلو
وأضاف: سامحوني أن كان احساسي أوفر شوية، حاسس أني او عملت كدا زي اللي بقتلهم بالظبط أو خذلتهم، كفاية السكوت اللي احنا فيه ومش قادرين نعملهم حاجة مش هنبقى ساكتين وخاينين كمان، دي قضية كل مسلم والمفروض على كل مسلم أنه يحاول يساعد أخوانه في غزة، فأنا مفيش حاجة اقدر اعملها زينا زي ناس كتير نفسنا نساعد بس مفيش في أيدينا حاجة.
وأردف: لو ربنا تولاني دلوقتي وسألني عملت ا عشان اخواتك في غزة هقوله كنت برقص وبغني واخواتي بيدبحوا ويتقتلوا في غزة.
واختتم: أنا عامل الفيديو ده لأني بجد بفكر بقالي كان يوم وناس كتير قالتلي سافر ده أكل عيشك وأنا عارف أنه أكل عيشي أنا وأولادي خصوصا الكوميديا بتاخد أجر على أنك وصلت البهجة في قلوب ناس تانية ولكن السؤال دلوقتي مين اللي محتاجين ندخل البهجة على قلبه.
