توك شو

ياسمين عز تثير الجدل وتتعرض للهجوم بسبب السَلطة والفصل بين الطماطم والخيار (فيديو)

الأحد 16/يوليه/2023 - 11:35 م

ياسمين عز

ساندي جرجس

واجهت الإعلامية ياسمين عز، هجوم شديد من رواد مواقع التواصل الاجتماعي بسبب تصريحات المثيرة للجدل التي قالتها في آخر حلقة ببرنامجها "كلام الناس" المذاع علة قناة "mbc"، حيث قدمت نصيحة للسيدة المتزوجة، بأن تراعي عدم وضع الطماطم بجوار الخيار أثناء عمل سلطة، بسبب ان الطماطم مؤنث والخيار مذكر، وبذلك تحدث "قفلة" بينهما.

وهاجم العديد سواء من النساء أو الرجال من رواد مواقع التواصل الاجتماعية الإعلامية ياسمين عز، من خلال تعليقاتهم، وكنت أبرز التعليقات:

هجوم على ياسمين عز بسبب السلطة

وقالت إسراء: «قمة العذاب النفسي لما يبقي الريموت ضايع وانا ناسية التلفزيون من امبارح على MBC MASR عشان بتفرج ع عمرو أديب وناو شغالة ياسمين عز ومش عارفه احول حاسه هيجرالي حاجة، بتتكلم عن السلطة يا جماعة السلطة بالفاتحة بتاع الخيار والطماطم مش السُلطة».

وعلقت ريهام: «عيب يكون عندنا في مصر برامج بالمستوي ده.. كان عندنا مذيعات ماسبيرو. العالم كله بيتعلم منهم كل حاجه.. لكن مايصحش نفضل في القرف ده كتير ونضحك ونسكت.. عيب بجد نوصل للمرحلة دي».

وقالت إيمان: «الله يخرب بيتها وعقلها على قد ماهو خربان دي شغل استخفاف بالعقول والظاهر الإعلام المصري بطريقه مقرفة واظن ام بي سي متعمدة ذلك».

وعلق شريف: «دا انا لو سارق نت والله مش هشوف الاشكال دي ع الصبح لا حول ولا قوة الا بالله».

وقال محمد: «الست دى بتهبد وهي عارفة انها بتهبد واحنا واحنا متاكدين انها بتهبد فنلم نفسنا كده ونقف محترمين في طابور الهبد».

كما علق احمد : «هو فيه ايه يا جدعان البنت بتتكلم تحت تأثير ايه بالظبط كل حلقات برنامجها كلامها غريبه وموضوعات غريبه».

وقالت امل : «محتوى كوميدى لا يمت للواقع بصله لأن الهبد دا لا يليق بالإعلام ولا بالقنوات الكبيره».

وعلق شريف: «ايه الهبل ده يا جماعة! عيب والله والقناة اللي المفروض محترمه سيباها تهرتل عشان اراجوز بيجيب مشاهدات وترندات ولتذهب الثقافة والأخلاق للجحيم».