كشف المخرج محمد سامي، عن كواليس حياته الاسرية وتفضيله لوالدته على زوجته في بعض أمور الحياة.

محمد سامي في تصريحات خاصة

وقال محمد سامي في تصريحات تلفزيونية: "بناتي الاتنين معلمني الأدب، وأكاد أكون أكتر أب شخصيته ضعيفة أمام ولاده، وحشري جدا في حياتهم عشان حابب أكون ملم بكل تفاصيلهم".

وأضاف: "بنزل أشتري معاهم اللبس وأشوف مذاكرتهم، وبنتي الكبيرة واخدة شخصيتي بالمللي، وسيلين الصغيرة شبه مي شكلا وموضوعا".

محمد سامي عن والدته

وتحدث محمد سامي، عن والده ووالدته وقال:" أنا تحت جزمة أمي وأبويا هما حياتي، ولما بتجيلي مشكلة مش بعيط غير في حضن أمي، هي مصدر قوتي وأول حد صدق فيا، وبحكي لها كل حاجة يمنعني كبريائي إني أقولها لغيرها، ومراتي شريكة حياتي طبعا بس مفيش راجل بيحب يبين ضعفه وانكساره قدامها".

وتابع سامي مشيرا إلى قوة العلاقة التي تجمعه بأهله، قائلا: إحنا بيوتنا ورا بعض وحياتنا كل يوم مع بعض، إحنا مش عيلة بتسأل على بعض في الأعياد بس، إحنا كل يوم مع بعض وبنحكي كل حاجة لبعض، ومي مراتي وروحها في أمي وهي بتدافع عنها لما يحصل مشكلة بينا. 

وعن زوجته مي عمر قال:" أول حاجة لفت نظري في مي هو جمالها، وعندها حياء، ومعندهاش طباع معينة وحشة في ستات، زي إنها مش حشرية ومش بتغير على كل حاجة، بتغير طبعا بس من غير ما تهزق نفسها وتزعل كل شوية، وبتعزز قيمة زعلها وكلمتها. 

وأضاف: هي عارفة إن كل الفنانات اللي بصور معاهم هما إخواتي وصحابي، وآخر عملين بينا هي اشتغلتهم بعد ما اتحايلت عليها، عشان بتشوف إن إيه لازمتها نشتغل مع بعض مدام الناس بتتكلم علينا.

إقرأ أيضًا..

«محمد سامي السبب»| مي كساب تكشف عن مفاجأة في أحداث جعفر العمدة (فيديو)