عفاف شعيب: اكتشفت خيانة زوجي وانفصلت بسبب مكالمة تليفون

 حلت الفنانة عفاف شعيب ضيفة على برنامج "العرافة" الذي تقدمه بسمة وهبة والمذاع على قناتي النهار والمحور، وتحدثت عن زوجها وسبب طلاقها وعدم إنجابها.

زواج عفاف شعيب

صرحت الفنانة عفاف شعيب، أنها تزوجت من رياض العريان رغم عدم حبها له، موضحة: مكنتش بحبه، واتضغط عليا كتير أوي من حسين كمال علشان أتجوزه، لما كنت بصور معاه فيلم أفواه وأرانب.

وتابعت: "رياض العريان كان كل شوية يجيلي الاستوديو على مدى 3 شهور، ويقعد يبصلي وحسين كمال يقولي ده الراجل متيم بيكي".

وأضافت: "أنا مكنتش حاطة في دماغي جواز واتقدملي ناس كتير أحسن منه وكنت برفض ولكن في النهاية النصيب وراء جوازي منه".

وكشفت أنه يتقدم لها "عرسان"، حتى الآن، موضحة "بيجيلي عرسان كتير لحد دلوقتي، بس أنا برفض لأن عيب ميصحش أتجوز في الوقت ده، وأنا قادرة أعف نفسي خلاص".

وقالت: "أنا ونسي ربنا سبحانه وتعالي ومش محتاجة راجل علشان أعف نفسي، الله خير ونيس.. أنا مش وحيدة وعايشة مع أخويا وولاده، ومحدش سايبني وكلهم بيحبوني وأنا بحبهم فمش بحاجة إني أتجوز".

سبب طلاقها

وكشفت الفنانة عفاف شعيب، تفاصيل طلاقها بسبب مكالمة تليفون، موضحة أنها اكتشفت خيانة زوجها لها مصادفة، إذ سمعت بالصدفة مكالمة له مع امرأة أخرى.

إجهاض

واجهت الإعلامية بسمة وهبة الفنانة عفاف شعيب، بمحاولات إجهاضها 3 مرات، حيث قالت "عفاف" إنها بالفعل أجهضت المرة الأولى بإرادتها، لكن المرتين الأخريين فقدت الحمل رغما عن إرادتها.

وردًا على سؤال بسمة وهبة، لها ، "هل ربنا بيعاقبك بعدم إنجابك عشان أجهضتِ؟، قالت عفاف: "ربنا عايزني أبقى لوحدي، أبقى له هو، عدم إنجابي ممكن يكون عقاب من ربنا".

وقالت عفاف شعيب، خلال لقائها: دخلت مجال السينما عشان بحبه، ولكن أنا مع مصطلح السينما النظيفة، وهي اللي من غير قبلات وأحضان.

وعلقت بسمة وهبة، على عدم مشاركة عفاف شعيب في أعمال سينمائية، ‏قائلة لها: هو إنتي أحسن من فاتن حمامة عشان متقدميش سينما.

أقرأ ايضا..

في العرافة| بسمة وهبة تدخل في نوبة بكاء شديدة بسبب محمد فؤاد