رضوى الشربيني تبكي في أخر حلقات برنامجها: «اتكلمي مع ربنا وسامحي» (فيديو)

وطلبت رضوى الشربيني من متابعيها وجمهورها المواظبة على الصلاء والدعاء في كل وقت، وذلك مع اقتراب شهر رمضان الكريم.

وقالت رضوى الشربيني وهي تبكي: "اتكلمي مع ربنا وادعي له باللي أنتي عايزاه في الدنيا والآخرة، اتكلمي معاه عن الناس اللي سابتك وسابت حياتك وتوفاها الله، وأد إيه هما وحشينك".

وأضافت: "هو هيصبرك ويربط على قلبك، كلميه عن أذية الناس ليكي، قوليله يا رب يرضيك عبدك يؤذيني كدة".

وتابعت رضوى الشربيني: "حاولي تسامحي وتعدي واعرفي إن الدنيا لا هي سودا أوي ولا بيضا أوي، ومش هتفضلي حزينة طول الوقت أو مبسوطة طول الوقت، أو فاشلة أو ناجحة، المهم إنك تفتكري دايما أن يقيني بالله يقيني".

وأردفت: "أنا بشتغل طول الوقت لأن العمل عبادة، وعندي يقين تام إنه لو اتقفل باب فيه أبواب تانية بتتفتح"، مضيفة:" شهر رمضان جاي، ادعي ليه يارب افتحلي باب وعشرة وعشرين، وأنا ربنا رضاني في رمضان واستجاب لي، وأنتم ليكم فضل كبير عليا".

الهجوم على ياسمين عز

وفي وقت سابق شنت الإعلامية رضوى الشربيني، هجومًا قويًا على الإعلامية ياسمين عز، ولكن بشكل طريف وغير مباشر، حيث تحدثت في مقطع فيديو عن عدم مدافعتها عن الرجال، كما وصفت السيدات اللاتي تدافعن عن الرجال بالمختلات وشبهتهم بالديناصور.

وكانت رضوى الشربيني ترد على تساؤل أحد متابعيها وهو يقول لها "خليكي شوية مع الرجالة يا أستاذة رضوى، دا إحنا حتى داخلين على شهر رمضان".

وردت رضوى الشربيني، في مقطع الفيديو المتداول: "أنا واحدة ست بدافع عن بني جنسي وده الطبيعي.. المختل هو اللي بيدافع عن أي جنس آخر واللي بيدافع عن الرجالة يا إما ديناصور يا إما راجل زيكم".

التحرش بالرجال
ويجدر الأشارة إلى أن الإعلامية رضوى الشربيني تحدثت في وقت سابق عن خيانة الرجال، حيث قالت أنه تلقت رسالة من أحد الأشخاص عن سبب مهاجمتها للرجال الخائنين، مؤكدة على أهمية تلك الرسالة وأهمية الرد عليها،خاصة وإنها نصت بأنه كرجل لا يخون إلا لو تم وضعه تحت ضغط من الإغراءات الشديدة أو أن سيدة ضحكت عليه مشيرا إلي أن "البحر يحب الزيادة".

وردت رضوى الشربيني:" كلنا عارفين أن الرجالة بتخون، يا أما فيه راجل فرفوش بيحب الستات، يا أما مبدأه التعدد، ولكن أنه يخون تحت ضغط دي أول مرة أسمعها".

وأضافت:" فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلغ عنها وماتحطش نفسك تحت أي صغط".