من أرشيف محكمة الأسرة| جوزي شهواني وصور بنتي عريانة

 
وقالت الزوجة في دعواها: "منذ 3 سنوات توفي زوجي، وعندي منه بنت عندها 15 سنة، اتجوزت جاري بعد الحاح طويل منه، دا عمل كل حاجة علشان أوافق إني أتجوزه وبالفعل حصل واتجوزته بعد ما وعدني إنه هيعامل بنتي زي بنته بالظبط".

تكمل الزوجة بحديث يملؤه خيبة الأمل، وتقول: "بعد فترة حسيت إنه بيبص لبنتي بنظرات مش كويسة ومش مريحة وحرّكت فيا الشكوك وبدأت اتضايق واستغرب بيعمل كده ليه، دي بنتي يا ناس مش واحدة غريبة، أمال لو واحدة من الشارع كان عمل إيه؟".


وواصلت: "كنت دائما بسأل نفسي بيعمل كده معاها عشان بيعطف عليها بعد ما اتيتمت ولا في حاجة غلط مش قادرة أفهم الشك كان هيجنني".

تابعت الزوجة حديثها: "دخلت في يوم على جوزي الأوضة في مرة، لقيته ماسك التليفون وبيعمل حاجات مش كويسة بصيت عشان أشوف بيتفرج على إيه لقيتها صور بنتي، كل الصور لبنتي وهي بتستحمى أو نايمة أو بتميل وهي بتكنس أو بتمسح الشقة وقتها أول حاجة عملتها مسحت كل الصور دي وطردته برة الشقة، ونزلت وراه فضحته في الشارع، ورفعت عليه دعوى خلع".