بملعقة واحدة.. 6 فوائد للعسل تحدث في جسمك لن تصدقيها.. ما هي؟
ياسمين عز تنصح الفتيات «حبي تراب رجله وعيب تدوسي على ظل جوزك»
الخميس 16/فبراير/2023 - 09:17 م
ياسمين عز
نور أحمد
وجهت الإعلامية ياسمين عز عدد من النصائح الخاصة للسيدات، وذلك بمناسبة عيد الحب، والذي احتفل به الجميع منذ أيام.
وأكدت الإعلامية ياسمين عز في برنامجها "كلام الناس" المذاع عبر فضائية MBC مصر أن الرجل يستحق الاحتفال بعيد الحب وذلك نظرًا لمجهوداته وما يقوم به لصالح زوجته ولصالح المنزل طوال العام.
ياسمين عز للفتيات: عيب تدوسي على ظل جوزك
وأضافت: "عيد الحب للراجل، تقديرًا لمجهود طول السنة، وأنا هسميه عيد حب الراجل، وبلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم، وبوسي راس جوزك ومتنتظريش هدية؛ لأن فرعونك الجائزة الكبرى".
وتابعت: "الراجل عنده قلبين واحد في صدره والتاني في رجله الخلفية ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله، والراجل عيونه هي الفيونكة وراسة الهدية".
واستطردت ياسمين عز في نصائحها: "سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص".
نصيحة للرجل
وأردفت: "الراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا بدون مناسبة".
ووجهت ياسمين عز حديثها للرجل وقالت: "يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير".
وأختتمت :" لو تعرف قيمتك هتعرف قيمة التراب اللي ماشي عليه، لو هي جعفر هترمي الهدية ودا اختبار وسقطت فيه".
ياسمين عز تحذر البنات
وأضافت ياسمين عز: "الرجل المحترم يشتغل ويشقى عشان يقدر يتجوزك، وإنتي تشتغلي عشان تستقلي وتقدري تسيبيه في أي لحظة، ده ظلم للرجل".
ووصفت ياسمين عز من يروج لمثل هذه الأفكار هم "جهلاء"، حيث وجهت حديثها للفتيات وقالت: "إنتي ماشية ورا كلام بعض الجهلاء، ومفكرة الدنيا من غير الراجل حلوة، لكن هي من غيره سواد ومرار وحزن".
