أول تعليق من أصالة بعد تبرعها بأجر حفلة دبي لضحايا زلزال سوريا

أصالة تهرب من الحلم

وكتبت أصالة نصري عبر حسابها على انستجرام: "مرّات بيكون فيه ليالي وكأنّها هربانة من حلم، وبما إنّنا مُحاطين بالكوابيس والآلام وواقعنا على شفا حفرة من الانهيار، وغرقانين ببحر هموم ما بين إمبارح واليوم حتّى بكره، صرنا بحاجة لقشّة نتعلّق فيها عشان توصلنا للبر".

وأضافت: "إمبارح ماكنّا أنا وفرقتي لحالنا عالمسرح عم نقدّم مساعدة نفسية إلنا وننقلها للموجودين، كلنا حسينا إنّنا بوسط حشد من أرواح طاهرة عمّ تعزف معنا وتغنّي وعلينا ورحنا بعيد وتركنا بمطرحنا الهمّ أمانة لنرتاح ونرجع تقوى علينا نلاقي له حلّ ودائمًا الحلول ما بتنوجد إلّا لمّا نهدى شوي".

 

وأردفت: "مبارح حسّينا بحضن كبير كلنا تجمّعنا فيه والمحبّة كانت نقيّة صافية مندفعة طفوليّة لمستنا كلنا دون استثناء، وأحلى شيء صار إمبارح إنّنا قدّمنا هالمعونة ممزوجة بالفنّ والطّيب بداية منّ صانع هالليلة غير العاديّة الكريم الرجل اللي بفتخر بأخوته وصداقته عمر الدّهماني من الإمارات العظيمة اللي قدّم كلّ ريع الحفل لأهلنا بسوريا الممتحنة سوريا التاريخ والأصالة الموجوعة وصرختها صارت الأعلى بين كلّ بلادنا الموجوعة".

واختتمت الفنانة أصالة منشورها وكتبت :" بدعي ربّي يجمعني بحبايبي وأهلي بوطني الغالي قريب وطالما ما زال الخير موجود الأمل دائمًا موجود.. شكرًا دبي على وجودك زهرة نشوفها ونستمتع فيها مصدر أمان وسعادة للعالم أجمع.

وفي وقت سابق أعلنت أصالة نصري، عن تبرعها بأجرها في حفلها المذكور لصالح أسر ضحايا الزلزال الذي ضرب مؤخرًا الأراضي السورية، حيث كتبت حينها: "مو من عادتي إنّي قول إنّما للاضطرار أحكام ومثل ما بعمل في الأزمات لأنّي منكم وواجب عليّي اللي بعمله، تبرّعت أيضًا بأجري عن حفل دبي لمن هُمّ أحقّ منّي فيه ما عملت إلًا واجبي تجاه أهلي وأحبّتي، ولو فيه حفله كلّ يوم بعملها لنعمّر بيوت خربت وقلوب تعبت".