إلهام عبدالبديع: «مشهد على السرير كان هيخليني رقم 1 وفكرت بالانتحار» (فيديو)

 

وأكدت إلهام عبد البديع على إنها سبق وإن رفضت عمل فني سابق بسبب مشهد في السرير قائلة: "جالي بطولة مع مخرج كبير جدا، كان أول مشهد في السرير واعتذرت عن الفيلم اللي لو كنت عملته من 4 سنين كان زماني رقم 1، لكن مينفعش".

وتابعت إلهام عبدالبديع تصريحاتها وقالت: "الإغراء حاجات كتير ممكن ببصة أو بحركة بحاجات بسيطة بس أنا مبعملش الأدوار الساخنة".

وأضافت: "هي مبقتش بتتعمل زي زمان في التسعينيات والناس مش بتبقى متقبلاها وأنا بحاول أراعي الإطار اللي موجودة فيه وأخلي بالي من أدواري".

 

وعن تصنيفها قالت إلهام عبدالبديع:" خايفة من تصنيفي ممثلة تليفزيون مش سينما، أنا وحشتني السينما ممكن أكون تخنت شوية، والأدوار اللي بتجيلي مش مناسبة".

وروت الفنانة إلهام عبدالبديع عن فترة سيئة مررت بها عقب وفاة جدتها، وهو ما دفعها للانتحار حيث قالت :" كان غصب عني مش بمزاجي دا كان بعد وفاة جدتي هي اللي ربتني عشنا مع بعض 15 سنة، عقلي مكنش مستوعب أنها في يوم من الأيام هتموت، بعد ما اتوفت كنت بفكر أنها مسافرة مش عاوزة أحس أنها ماتت لكن لما قررت أواجه وروحت البيت بعد يومين حسيت بصدمة وكان اكتئاب ما بعد الصدمة".

 

وأردفت: "الاكتئاب كان صعب وكبير ودخلت في حالة شبه شلل، روحت لدكتور وحكيتله أن الشعور اللي حاسه بيه أني في دور عالي وبنزل دي الصدمة اللي حسيت بيها".

وأضافت: "الحياة كانت بالنسبة ليا زي المايه بنشرب بس ملهاش طعم، مكنتش عايزة أي حاجة، ومكنتش بقدر أعمل حاجة ولا حتى أتحرك".

 

وعن مرض جدتها قالت: "لما تعبت وديتها أقرب مستشفى لكن الرعاية فيها مكنتش أفضل حاجة وكانت عشان تعمل إشاعات بتتنقل من مكان لمكان، اتصلت بدكتور كبير ووفر لي مكان في مستشفى تانية ولما طلبت أنقلها المستشفى رفضت، وفي يوم كانت بتتنقل بالإسعاف قولت للمسعف أني هاخدها على مستشفى تانية إذا حابب يجي معايا يجي ولو مش عاوز هو والسواق أنا هسوق العربية، وفعلا نقلتها".