إلهام عبد البديع: اتصدمت لما عرفت سن زوجي وهذه النجمة مطربة مصر الأولى

 تزوجت الفنانة إلهام عبد البديع من الملحن وليد سامي، واحتفلا بزواجهما في 30 أكتوبر عام 2023، وأقيم الحفل بأحد الفنادق الكبرى بالقاهرة، واقتصر حضوره على الأهل والأصدقاء المقربين للعروسين.

وتحدثت الفنانة إلهام عبد البديع عن زوجها الملحن وليد سامي، كاشفة سبب اعتراض أسرتها على زوجها من رجل يصغرها سنا.

 خفت من خطوة الارتباط

وقالت عن اعتراض أسرتها على الزواج: "أنا أكبر من جوزي وليد بـ8 سنين، في البداية خفت من خطوة الارتباط بيه كانت مرعبة، في الأول مكنتش أعرف فرق السن، بعدين اتصدمت وقولت يمكن عشان كده احنا بنتخانق كتير، وبحاول أحط نفسي في مكانه واأفتكر وأنا في عمره كنت بعمل إيه، أنا بحترمه وبديله مساحته".

وأضافت إلهام، "في الأول كان في علامات استفهام، أنا شكلي مش بيدل على سني محدش كان يعرف أو يتوقع أني أكبر، أهلي في البداية كانوا قلقانين ومعترضين وحتى الآن، هما خايفين من التجربة لأننا في الخطوبة متفقناش كانوا خايفين من خطوة الزواج ومتوقعين الطلاق بنسبة 90% وإحنا بنحارب عشان دا ميحصلش".

 ذكي وتخطى العقبات

وعن تعليقات الجمهور عن سبب زواجها من شخص يصغرها في السن قالت: "في ناس كتير قالت إن دي حاجة كارثية وأن العلاقة مش هتنجح، لأن المرأة عادة بيكون تفكيرها أنضج، لكن هو ذكي وقدر يتخطى العقبات، محدش مقدر ظروفي الناس شايفينا في التليفزيون وإحنا مبسوطين وحاطين مكياج لكن لما برجع البيت بكون لوحدي، وأنا مش هبقى لوحدي عشان الناس بتقول دا مش مناسب أو دي فنانة، أنا عاوزة يكون عندي بيت وأولاد وحياة خاصة".

زوجي يتحدث أمام الجميع

وعن صفات زوجها قالت: "جوزي وليد مكنش فاهمني في الأول، لكن كان متمسك بيا وحاول كتير عشاني، وأكتر حاجة بتضايقني منه إنه بيتكلم قدام الناس وده مينفعش لأني ممثلة"

 وتابعت: "أعطي لزوجي مساحته الخاصة دائما، واتصدمت لما حسيت إن بسبب فرق السن كانت بتحصل بيني وبين زوجي مشاكل كثيرة قبل الجواز وبعدة، واقتنعت إن لما كنت في سنه كنت طايشة، فبررت سبب جنونة بأني كنت زية في يوم من الأيام".

أصبت بنوبة اكتئاب وكدت أن أنتحر

تحدث الفنانة إلهام عبد البديع عن نوبة الاكتئاب التي أصابتها قائلة: "جالي اكتئاب بعد مسلسل ولاد تسعة علشان تعمقت في الشخصية، وجاتلي نوبة اكتئاب تاني بس أقوى.. وحصلي شبه شلل بسيط، والحمد لله الدكتور أنقذني".

تركت الإخراج بحجة التمثيل

وعن سبب تركها للإخراج قالت: "تركت عملي كمساعدة مخرج علشان أكون ممثلة، وكنت بحاول موقفش التمثيل، والمرض هو اللي وقفني شوية، وبالنسبة للغناء، بعمل أغاني أطلع فيها طاقتي علشان محسش إني بعيد عن الكاميرا.. ومطربة مصر الأولى هي الفنانة أنغام".

 يذكر أن آخر أعمال إلهام عبد البديع مسلسل "عالم تاني" بطولة رانيا يوسف، فريال يوسف، فراس سعيد، نضال الشافعي، سميرة صدقي، مروة عبد المنعم، ومن إخراج عبد العزيز حشاد.