اعتادت الإعلامية رضوى الشربيني على إعطاء النصائح للنساء والفتيات من خلال برنامجها "هي وبس"، لتسبب حالة ضجة واسعة منذ سنوات بعد انطلاقتها على قناة cbc، لتصبح بذلك نصيرة المرأة وفي مرمي نيران الرجال، ونستعرض لكم في «هير نيوز» أبرز تصريحاتها المثيرة للجدل.

تعودت الإعلامية رضوى الشربيني، على اتخاذ موقف عدائي ضد الرجال، فمنذ ظهورها الأول على شاشة التليفزيون، كان موقفها من الرجل واضحًا فدافعت عن المرأة وهاجمت الرجال في تصريحات عديدة، منها: "في حاجة اسمها بلوك عارفاها.. بلوك على الفيسبوك.. بلوك على الواتساب.. بلوك تليفونات بلوك بلوك بلوك".

كما تحدثت رضوى الشربيني عن رأيها في الحياة بدون رجل فقالت "مفيش نكد، صاحبة قرارك، مفيش مقارنات، مفيش ضغط نفسي، أكثر وقت بتحبي نفسك فيه، بيكون عندك طموح وأهداف، أكثر وقت بتحبي فيه أهلك وأصحابك، أكثر وقت تقدري تعملي فيه فلوس".

كما أدلت بتصريح آخر مثيرة للجدل قالت فيه "أنا منفصلة وبقولها بكل فخر ومن حقي أتزوج مرة واتنين وأربعة لأن ده شرع ربنا ومش حاجة تعيبني أو تجبرني أكمل في جوازه فاشلة".

وتصريح آخر يقول "اتجوزي الراجل اللي يخليكي سعيدة، اتجوزي الراجل اللي ميخلكيش تلفي حوالين نفسك، اللي حتى لو هو مش موجود تحسي أنه موجود حواليكي، وتحسي بأمان، وإن عندك ظهر وسند".

اقرأ أيضًا..

فريال يوسف تكشف تفاصيل مرضها بالصرع.. وانفصالها عن زوجها

كما أبدت رضوى الشربيني رأيها في عروس الإسماعيلية التي تعرضت للضرب علي يد زوجها في ليلة زفافها، فقالت عنها "أسمع بقى صوت أي حد مهزأ بيقول للست اتنازلي علشان تعيشي، البيت بيتبني على المودة والرحمة اللي ربنا قال عليهم، مش على التنازل والإهانة يا عديمي الكرامة.. حق الست في الدين والشرع والقانون إنها تعيش حياة كريمة.. وللأسف وصلنا من الجهل والرخص إنها لما تتطلب بحقوقها تبقى بتخرب بيتها".

وهذه التصريحات ضد الرجال جعلت رضوى الشربيني دائما في مرمي انتقادهم وتنمرهم إذ فوجئت بأحد المتابعين يقول لها: "شيلي المايكب وكلميني راجل لراجل" عبر حسابها على موقع إنستجرام.

لترد قائلة: "أنا أرجل منك ومن ضهر راجل مش لازم أشيل الميكب وبعرف أحافظ على نفسي وأحافظ على ولادي".