لنمو شعرك.. فوائد عديدة لبذور الشيا يجب اتباعها
صرخة فتاة: حملت سفاحا بعدما اغتصبني قريب أبي تحت التهديد
الإثنين 12/ديسمبر/2022 - 02:01 م
محمد علي
جريمة مأساوية، المتهم فيها تجرد من مشاعره الآدمية، وتحول إلى ذئب، حيث تعرضت فتاة، 17 سنة، إلى الاعتداء الجنسي من قبل رجل مسن، 67 سنة، اعتدى عليها وعاشرها معاشرة الأزواج مما أدى إلى حملها منه سفاحا.
وأوضحت التحقيقات في القضية جنح إمبابة والمقيدة إداري منشأة القناطر، أن الرجل استدرج الفتاة وهتك عرضها.
وأكدت الطفلة المجني عليها خلال التحقيقات: ما حدث أن المتهم ابن خالة والدي ومن ساعة ما وعيت على الدنيا وأنا بقوله يا عمي وكنت أنا وإخواتي نزروه في منزله وشقيقي كان بيشتغل عنده في الأرض، في شهر 2 اللي فات لقيت عمي -المتهم- جاي البيت عندنا، وخبط على الباب وقالي ابقي هاتي كيلو جبنة وتعالي، فأنا خدت كيلو جبنة وطلعت عنده البيت.
هددني وجردني من ملابسي
واستكملت الضحية: فور وصولي وجدته جالس خارج البيت أعطيته الجبنة، طلب مني الجلوس بجواره على مقعد أمام المنزل، وكان بيني وبينه حوالي 2 متر، ثم طلبت منه فلوس حتى أرحل حتى لا أتأخر على أمي، فقالي اقعدي شوية بس، فأنا قولتله لا أنا هنزل، راح مسك عصاية وهددني وأجبرني على التجرد من ملابسي وإلا سوف يقتلني.
وأضافت الطفلة: اقترب مني، وجذبني من يدي وخدني على البيت جوه أوضة ورفع الجلابية بتاعتي، وهو خلع ملابسه واعتدى عليا، وكانت أول مرة يحدث معي هذا الموقف الصعب، وأثناء ذلك حاولت إبعاده، ودفعته للخلف، وبعد أن انتهى من فعلته خد رقم تليفوني، بعدها قالي خدي فلوسك أهي مشيت ومخدتهمش وروحت على بيتنا، فأمي قالتلي انتي كنتي فين، قولتلها كنت عند بنت عمي وبعدين دخلت نمت، وبعدها بيومين راح رن عليا وقالي تعاليلي البيت ولو مجتيش هفضحك.
وأوضحت قائلة: جلست وكنت أفكر مع نفسي شوية وقولت والدي لو عرف حاجة زي دي هيضربني فروحتله، ولما وصلت عنده خدني على أوضة في وسط الأرض بتاعته وبعدين قفل الأوضة بالترباس ومارس معي الجنس وبعد ما خلص لبست هدومي ومشيت.
واستكملت الطفلة: مارس معي أكثر من مرة وكان بيكلمني في التليفون يقولي تعالي فكنت بروحله لحد آخر مرة عملها معايا، وأنا مرضتش ومرحتش علشان الدورة الشهرية انقطعت، قالي هو فيه حد بيمارس معاكي تاني، قولتله لا، قالي طيب روحي اكشفي، فأنا مروحتش وسألت واحدة صاحبتي قالتلي دي هرمونات في الجسم.
اكتشفت حملي بعد انقطاع الدورة 3 أشهر
واستطردت: عندما اتأخرت الدورة الشهرية 3 شهور روحت أكشف، فالدكتور قالي انتي حامل، فخفت أقول لأمي وقلت لواحدة صاحبتي، وفي الآخر قلت لعمتي، قالتلي هنقول لأبوكي وعمك علشان هنشوف هنتصرف إزاي فاتكلموا مع بعض، وفي الآخر قالوا نخليه يتجوزها فهو مرضاش، وفضلنا على كدا لحد ما أبويا قالي هنروح نعمل محضر.
