بملعقة واحدة.. 6 فوائد للعسل تحدث في جسمك لن تصدقيها.. ما هي؟
«بعد ضبطها بمخدرات».. ثورة حب لأجل منة شلبي على مواقع التواصل الاجتماعي
الجمعة 25/نوفمبر/2022 - 11:37 م
ساندي جرجس
بعد الأزمة التي تواجهها الفنانة منة شلبي، تلك الفترة وواقعة القبض عليها بمطار القاهرة لاتهامها بحيازة مواد مخدرة، أثارت تلك الحادثة ضجة وجدلا واسعا على موقع التواصل الاجتماعي "فيس بوك".
ولكن ظهر الكثير من محبي النجمة منة شلبي، خلال تلك الأزمة مع تأييد ودعم لها من الجميع دون الهجوم عليها أو اتهامها، مع الدعوات لها بمرور تلك الأزمة.
وكانت التعليقات كالآتي:
قالت غدير: «مش ممكن ايه كمية الاخبار و الكلام ده و الشماته في فنانة بيقال انه لقوا معاها مواد مخدرة .. هي قتلت لحد قتيل ؟!! .. في امريكا فيه ماريوانا زي كاندي اعتقد .و ده اساسا ممكن ناس تاخده لالام الامراض المستعصية و العلاج اللي بيسبب الآلام و امراض الاعصاب زي الفيبروميالجيا ..يقال ذلك .. لا اظن حد جايب حاجة ضد القانون او عارف انها ضد القانون هيحطها في شنطة إيده .. و عارف انها بتدخل في اجهزة بتشوف كل حاجة في الشنطة .. اكيد فيه حاجة .. ولو حد بيتعاطى ده مشكلته و ماساة ليه مش لاي حد تاني .. لو حاجة مخدرة و ضد القانون اكيد غلط بس مش قصة الناس و لا الشماتة ده تجوز ابدا و لا النشر ده يجوز ابدا .. لحد لما الامور تتضح ..لطفك و سترك على الناس يارب».
كما علق محروس: «حاجه تكسف والمصيبه انهم يعرضوا افلام ومسلسلات ويعظوا الناس حسبي الله ونعم الوكيل فيهم».
وقالت اسراء: «مايمكن حد حطلها الحاجات دي مش معقول هتدخل المطار بحاجات زي دي وتجيب لنفسها مصيبه يعني».
كما علقت مروة: «ما مدام هى بتتباع علنا كده هناك اكن جايبها من ماركت ممكن تكون متعرفش انها ممنوعه هنا مش عاوزة افتى الحقيقة بس جايز والله اعلم».
وعلق أحمد: «متعرفوش حاجه اسمها الستر لازم الجرايد والمجلات والعالم كله حتى لو غلطانه ما تتحاسب ف حدود انها تروح مع الشرطه ف هدوء ولا لازم نمسك ف الناس واحنا كلنا مليانين عيوب».
ومن جانبه قال مدحت: «ايه فايدة الفضايح والتشهير عند بعض الناس ؟! ممثله اتمسكت بمواد مخدره مسموح بيها بره مصر و ممنوعه عندنا في بلدنا ،، فعل غلط في غلط بس احنا هنستفيد ايه بالتشهير ييها ونخليها سيره في كل مكان ؟!! كسبنا ايه ؟!! وبعدين الله اعلم بالواقعه وهتتثبت عليها في الاخر ولا لأ ،، وبرضه مالناش دعوه ولا علاقه ،، كلنا لينا غلطات وربنا ساترها معانا ،، لكن دايما نحب نفضح غيرنا ونستمتع واحنا لو الستر راح من علينا مش هنعرف ننزل الشارع اصلا».
وعلق طارق: «قمر يا منة والحاجات دي بتتباع عادي في الخارج وهبل يعني. هو سوء تقدير منها».
