حوادث

فرّان في دعوى زنا ضد زوجته: «ولادي شافوها مع عشيقها من غير هدوم»

الأحد 13/نوفمبر/2022 - 10:51 م

هويدا علي

لم يكن يعلم الفرّان البسيط الذي يعمل بأحد الأفران البلدية لتوفير احتياجات أسرته وتلبية متطلبات زوجته، أن غيابه المستمر عن المنزل سيكون وراءه كارثة لم ينتبه لها إلا حينما أخبره أبناؤه بها.

ماذا حدث؟

يقول الفران في أقواله بدعوى الزنا التي أقامها ضد زوجته: "اسمي م. ع، 45 سنة، أعمل فران مقيم بالقلج بمركز الخانكة بالقليوبية، واللي حصل إن من بعد عيد الأضحى كنت في الشغل ورجعت لقيت مراتي واخده العزال كله ومشيت، وتفاجأت إنها خدت العيال وإنها ولا موجودة في بيت أهلها ولا أي بیت، وفضلت أدور عليها في كل مكان عند أهلها، وهما قالولي إننا مانعرفش عنها حاجة، ومن 3 أسابيع لقيت ولادي جايين عند الفرن اللي أنا شغال فيه وبعدين عرفت إنهم كانوا في جمصة، بس معرفش فين المسكن اللي هما قاعدين فيه".

محضر زنا

وأضاف الشاكي: "بعدين لقيت العيال بيقولولي إن في واحد بيقولوله عمو وأمهم بتقوله يا بودي عايش معاها حاليا في الشقة في جمصة، وإن هو كل مرة ييجي فيها كان بيخرج العيال من الشقة، وإن الراجل دا كان بييجي في الشقة بتاعتي أول ما أنا بروح الشغل، وإن في مرة العيال شافت أمهم والراجل دا قالعين هدومهم وخارجين من الحمام، وأنا لما عرفت عملت فيها المحضر ده، وده كل اللي حصل".