توك شو

الراقصة هندية: «ارتديت النقاب 3 سنوات وحسيت إني عريانة لما بينت شعري»

الإثنين 07/نوفمبر/2022 - 03:30 م

الفنانة هندية

بسمة خالد

تحدثت الفنانة والراقصة هندية عن فترة ارتداءها الحجاب وأسباب خلعه بعد ذلك، خلال حلولها ضيفة ببرنامج كلام الناس من تقديم الإعلامية ياسمين عز عبر فضائية MBC مصر.

كواليس ارتداء النقاب

تحدثت الفنانة هندية عن كواليس ارتدائها النقاب، معلقةً: "تزوجت من دكتور جامعة لمدة 11 سنة، وكان بيدعمني وبيساعدني، كنت بقول له هلبس حجاب كان يوافق، حتى أنا لبست نقاب لمدة 3 سنين، والموضوع بدأ إني كنت قاعدة في الجامع وبصلي وواحدة جت رمت كُتيب في حجري، وأول حاجة قرأتها إن لازم الست تلبس كفن قبل الوفاة".

واسترسلت: "أنا اترعبت وقُلت يا خرابي، ونزلت لقيتهم بيبعوا الملحفة جبتها ولبستها وخفت قُلت دي رسالة مبعوتالي، وقلعته لما تعبت وجالي حساسية صدر، وروحت لـ دكتور قالي اقلعي النقاب وأنا مسؤول وأنا متحجبتش علشان مبقاش كذابة، ولكن غطيت شعري ولبست إيشارب صغير، وبعد انفصالي عن زوجي دكتور الجامعة أصدقائي قالولي لازم تنزلي وتتحركي".

اعتزال الرقص

واستطردت: "الفنان الراحل أحمد دياب هو من أقنعني بالتخلي عن الحجاب، قالي يا أبيض يا أسود، يا تقلعي الحجاب خالص علشان تمثلي يا تقعدي في البيت، وقلعت الحجاب بعد 11 سنة، وبغض النظر عن زوجي أيمن السويدي، ووفاة أخويا، أنا من جوايا كنت عايزة اعتزل الرقص، لأننا كنا كل رمضان بنعمل بروفات شهر بحالها، كنت طول الوقت عندي تردد إني أكمل في المهنة وعندي هاجس ديني، ولما جت وفاة أخويا خدت القرار نهائي".

واختتمت الفنانة كلامها معبرةً: "إني بينت شعري دي حاجة بيني وبين ربنا، سألت ربنا كتير جدًا إن لو مش عايزني أبين شعري يديني علامة، وأول يوم بينت شعري كنت حاسة إني عريانة".