نهاد أبو القمصان تفتح النار على ياسمين عز: «حد يشوفلها عريس ويخلصنا منها»

هاجمت المحامية نهاد أبو القمصان، رئيسة المركز المصري لحقوق المرأة، الإعلامية ياسمين عز، وذلك بسبب تصريحات الأخيرة التي رفضها الكثيرون، بهدف دفاعها عن الرجل وحقوقه في الآونة الأخيرة.

وقالت نهاد أبو القمصان في تصريحات عبر برنامج "تفاعلكم" المذاع عبر قناة " العربية" لمناقشة الدعوات بتعدد الزوجات: "الحقيقة المذيعة دي حالة لوحدها، هي إما نفسها تتجوز فعمالة تبعت رسايل على الهواء، حد يشوف لها عريس ويخلصنا منها، يا إما هي بتعمل حاجة تركب بيها التريندات".

كانت ياسمين عز قد تصدرت تريند منصات التواصل الاجتماعي، خلال الفترة الماضية، وذلك بعدما قدمت عددًا من النصائح إلى الزوجات وتحدثت عن زيادة نسبة الخيانة الزوجية في مصر.

وقالت ياسمين عز في تصريحات تلفزيونية: "ليه معظم الستات بتتغير بعد الجواز؟ أعرف ستات لما إجوازهم ينزلوا الشغل ولا بيعبروهم، وكإن لسان حالها يقول له المركب اللي تودي، طبيعي بعد كدة إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟.

وأضافت الإعلامية ياسمين عز: "الراجل طول ما هو شايف بوز قد كده طول النهار أدامه، أول ما يرجع جوزها للبيت، بدل ما تسأله عملت إيه النهارده، بتبقى قاعدة قمطة دماغها بتقوله إيدي وجعاني والعيال تعبوني ومش قادرة أتكلم".

وأردفت: "ليه لما حد ييجي من أهلك الولائم تشتغل والأصناف والأشكال تظهر، وفي الأيام العادية مفيش حاجة بتتعمل للراجل الشقيان اللي طالع عينه"، مستطردة: "فين أيام لما كانت الست تدي لجوزها الجزء الكبير من الفرخة وتاكل بقيتها هي والعيال".

واستكملت ياسمين عز حديثها ووجهت رسالة السيدات: "دايما حسسيه باللمسة بتاعتك في حياته وفي شكله وفي هدومة علشان دايما يكون محتاج ليكِ، مبقيتيش تفتحي دولابه إلا علشان تفتشي في هدومه وتطلعي كام حاجة تعمليها فوط للمطبخ أو تمسحي بيهم البلاط".