فتاة تشكو على "فيس بوك": «أهل خطيبي مش معبرني في كل المناسبات.. اعمل ايه؟»

كتبت فتاة مخطوبة مشكلتها على موقع التواصل الاجتماعي في جروب للفتيات، حيث تشكو من عائلة خطيبها وعدم تقديرهم لها بتقديم هدايا طوال فترة الخطوبة.

وقالت الفتاة في منشورها: «عايزة اخد رأيكم انا مخطوبة من ٦ شهور عدا علينا مناسبات كتير خطوبة و رمضان و عيد صغير و عيد كبير ومفيش حد من اهل خطيبي عبرني في اي مناسبة هو في العيد جابلي حاجة دهب متعديش الجرام صغيرة و خفيفة جدا و دي هديته الوحيدة ليا من يوم الخطوبة لحد انهارده حتى مامته في عيد الام جبتلها هدية باكتر من ٣٠٠٠ جنية و معبرتنيش بحاجة خالص و دايما تدخل ايديها فاضية و هو جاب لمامتي هدية عيد ام بسيطة جدا و بعد المناسبة بفترة و كأنه كان مضطر يجبها انا بسأل هو دا طبيعي يا جماعة عشان مش عارفة ايه المفروض يحصل بصراحة بس حاسة بقلت تقدير و مكسوفة من اهلي جدا و ظروفهم كويسة جدا ماشاء الله يعني مش لاقيه اي مبرر للي بيحصل دا المفروض ايه المواسم اللي بتيجي عشان مش عارفة».

قالت آلاء: «بصي سيبك من اهله اهم حاجة هو يعني علي طول بيحب يهاديكي في مناسبات او غير مناسبات ولا لا وكمان بصي مش مهم ثمن الهدية عشان مش بثمنها صدقيني هي بمثلا لما بيهاديكي بيجبلك اللي بتحبيه مثلا الحاجات اللي نفسك فيها او حاجة مثلا كنتي بتتكلمي عنها بشغف ف حب يفأجئك ويجبهالك ديه اهم حاجة لكن لو مش بيجيب غير مرة واحدة مثلا وحاجات مش بتحبيها اي حاجة والسلام وخلاص....انا اسفه في اللي هقوله كده ممكن يكوم بخيل فعلا خلي بالك جداااا ركزي اوي في الحتة ديه عشان البخيل دلوقتي بقي بيعرف يداري نفسه وربنا يبعدهم عننا ويحفظنا من شرهم».

وعلقت نورا: «لا مش طبيعي.. المفروض يكون احسن من كده ف الخطوبه.. بعد الجواز طبعاً الكلام ده بيقل عشان الالتزامات لكن مفروض يطلع احسن ما عنده ف الخطوبه كده حريص زياده».

وقالت مريم: «لا تبعدي فورا دي قلة تقدير لأنه لو معهوش يقولك معلش ظروفي كذا انما غير كدا قلة تقدير ابعدي فورا طبعا».

وعلقت مي: «اخلعي وبعد كده ما تجبيش هديه بالمبلغ الكبير ده الي العريس بيدفع وبيجامل بجد غباء منك هديه ب٣الاف ده انتي لما تيجي تفشكلي المفروض تقوليلهم جيبو الهدايا الي خادتوها عيله منتنه فعلا».

وقالت إسراء: «جايز أسلوب تطفيش أو استخسار انا كنت مخطوبة لقريبي وكانو بيعملو معايا كده واتفسخت دلوقتي الحمدلله».