توك شو

«الفرق بين راجل خايف يخسرك وراجل مستخسرك».. رضوى الشربيني تُجيب| فيديو

الخميس 21/يوليه/2022 - 05:00 م

بسمة خالد

في فقرة اسأل رضوى الشربيني، علي خاصية الاستوري عبر موقع التواصل الاجتماعي "إنستجرام" سألت أحد الفتيات الإعلامية المصرية سؤال تسأل في عن برود الحب بين الأشخاص ورأيها فيها حيث سألت سؤال بعنوان "مشكلتي إني معنديش مشكلة، مشكلتي أن في حياتي راجل بس كأنه مش موجود".

وأكملت: "بيحاول يبقى موجود بطريقته، يبعتلي رسالة أو اتنين كل يوم ويدوبك يقدر يكلمني مرة عشان يبقى عمل اللي عليه، الهدايا بتجي في أضيق الحدود، مش كل المناسبات، مجالييش ورد لحد دلوقتي رغم طول المدة اللي بينا، يدوبك بيقدر يستخدم الكلمات اللي بتذوق العلاقة، يوم بحبك وعشرة لأ، فأنا قعدت أفكر مع نفسي لقيت أن معنديش مشكلة بس مش حاسه إني في علاقة حقيقية، اقول امشي يقول لأ ،اقول نسيب يقول بلاش ، اقول مش عاوزة يقول بحبك، ارجع نفس القصة تاني يعني من الأخر كده أنا مشكلتي برود العلاقة رأيك ايه؟ "..

الفرق بين راجل يخسرك أو مستخسرك

لترد رضوى، عبر برنامجها الشهير "هي وبس" قائلة :"في راجل بيبقى خايف يخسرك وراجل مستخسرك ،في حد عنده أجندة "الأخلاق الدين الجمال التعليم المهنة النجاح" وأهله هيقولو البت تمشيها يمين يمين شمال شمال، مش هتلاقي زيها ،تحت طوعك واخدك بالعقل عشان كده بيتعامل معاكي بالعقل، ده اللي بيبقي مستخسرك".

وتابعت :"لكن اللي خايف يخسرك ده اللي بيحبك، ده اللي قلبه وعقله بيحبوكي وقبلينك وشرينك ، فالتلفونات بتبقي كتير والكلام الحلو كتير، والهدايا كتير بيهتم بيكي بكل حاجه عاوز يشوفك على طول ، بيبقي في شوق واحتياج حتي في الخناق لأنه خايف يخسرك"

واستكملت حديثها: "فلو حضرتك في علاقة فيها برود وتجي تمشي يقولك لأ افضلي ده مش معناه أنه بيحبك، ده معناه أنه مستخسرك، ده الفرق بينهم وانتي تقدري تقرري".

برنامج "هي وبس "برنامج نسائي تقدمه الاعلامية رضوى الشربيني عبر قناة سي بي سي سفرة تقدم في أبرز مشاكل النساء وكيفية حلها ونصايح اقتصادية تزيد من جمالك وكيفية التعامل الصحيح مع المشاكل التي يمرون بها.

اقرأ أيضًا..