فواكه تساعد في إنقاص الوزن الزائد
مصطفى حسني: الشخص الذي يراقب الناس يعيش في صراعات دائمة.. فيديو
الإثنين 11/أبريل/2022 - 05:00 م
عزة رشدي
تناول الداعية الإسلامي مصطفى حسني، في حلقة اليوم من برنامجه القناع، الحديث عن صاحب قناع المراقب؛ حيث أوضح أن هذا الشخص لديه احتياج طبيعي وهو التأثير.
وقال الداعية مصطفى حسني، إن :"الشخص المراقب عايز يبقى مؤثر وعايز يغير في اللي حواليه، ولكنه اتراكم كده جزء في شخصيته إنه مش هيعرف يأثر في الناس لو شاف حاجة غلط وسكت عليها، فقام لابس قناع الواعظ".
طباع الشخص المراقب
وأضاف، :"من طبع قناع المراقب، إنه بيدور على الأخطاء حواليه، بيدور انت بتقول إيه غلط في كلامك علشان يوجه، والقعدة بتبوظ، فيرتدي قناع الواعظ الذي يسمع الكلام للرد مش للفهم، بيبقى قاعد بيسمع علشان يدور على غلطة في الكلام مش علشان يسمع ويتعلم من اللي حواليه"، مؤكدا أن أسوأ ما في طبع قناع المراقب، إنه لا يراعي استعداد الناس لتقبل النصيحة.
وأوضح الداعية مصطفى حسني، في برنامج القناع، قائلا إن: "علماء النفس بيصنفوا اللي لابس وش المراقب دا إنه من الشخصيات الصراعية، بيقلب علاقاته بالناس لصراعات دائمة، كما أنه دائمًا باصص برا، دايمًا بيدور على الغلط، فانشغل عن نفسه، فراح العمر، وراح عند ربنا وهو مشتغلش على نفسه، اشتغل على الناس".
اقرأ أيضًا..
الشخص المحب الحكيم
وتابع، :"الشخص المحب الحكيم عارف إن التغيير بإيد ربنا سبحانه وتعالى، وعارف إن الهادي هو ربنا سبحانه وتعالى، وعارف إن الذي يخلق التأثير في كلامه هو الله، هو كلامه غير مؤثر، محدش فينا بيخلق التأثير، النصيحة بتطلع واللي بيخلق النفع فيها هو الله".
واختتم الداعية الإسلامي مصطفى حسني، بقوله تعالى "ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ"، موضحا: قالوا الحكمة ليس كل كلام جاء وقته أي "ده مش حكمة إني أتكلم دلوقتي"، وليس كل كلام جاء وقته حضر أهله.
