هدى المفتي عن «أصحاب ولا أعز»: بنرجع لورا والناس خايفة من الحقيقة

علقت الفنانة هدى المفتي على الجدل القائم حاليًا، على مواقع التواصل الاجتماعي، بسبب أزمة فيلم "أصحاب ولا أعز"، المعروض على شبكة نتفيلكس، مؤكدة أن الفنان المصري والعربي أصبح يعيش حالة من التقييد.

وقالت من خلال خاصية الأستوري على حسابها بموقع تبادل الصور والفيديوهات، إنستجرام، ما يلي: "عندي فكرة فيلم واقعية وطازة عن بنت، اثنين كلاب ركبوا لها صور وهددوها فخافت وانتحرت، تحفة مش كده".

وتابعت هدى المفتي: "إحنا بنرجع لورا وخايفين نشوف الحقيقة والمشاكل اللي بتتقدم بقت سطحية، بقينا نركز الممثل لابس إيه، وسايبين المحتوى اللي هو أهم من أي حاجة، بقى في نوع من الازدواجية والغل في نقد المحتويات اللي بتتقدم".

واستكملت هدى المفتي: "حابين نشوف السطحية والتفاهة، ونطلع جيل في قشرة طين على مخه، والفكرة إن الناس ناسية أفلام الأبيض وأسود، وناسية أفلام تانية كتير كان المحتوى اللي فيها ساخر، وأكثر جرأة وكان يكشف جزءًا كبيرا بيتكلم عننا وبيلمسنا، عشان كدة بنقول مفيش زي أفلام زمان".

واختتمت حديثها قائلة: "ده علشان الممثل بقى متحجم يقدم حاجة مختلفة، والكاتب بقى عامل ألف حساب، أنا مش ضد النقد البناء الذي يرفض فكرة بمنتهى الاحترام، ولكن ضد الغل والازدواجية الذكورية اللي بتشوه النفوس قبل ما تشوه الأفكار".

ويذكر أن فيلم أصحاب ولا أعز"، بطولة منى زكي، إياد نصار، عادل كرم، نادين لبكي، دايموند عبود، جورج خباز، ومن إخراج وسام سميرة، وهو النسخة العربية من الفيلم الإيطالي perfect strangers، والذي تم طرحه بأكثر من نسخة عالمية آخرى.

اقرأ أيضًا..

«عُري وقبلات».. كيف دعمت إليسا فيلم «أصحاب ولا أعز»؟