إبداع لا ينتهي.. دعاء محروس ملكة تصميم ديكورات الـ«هاند ميد»

وقالت دعاء في حوارها لـ«هير نيوز»: «لقد تخرجت من كلية آداب آثار إسلامي جامعة عين شمس، وبدأت شغل هاند ميد منذ سنتين، فأنا أحب الرسم وللفن جدًا منذ طفولتي، وأحب التنوع في الفن ولدي شغف لكل جديد ودايما عندي حلم إني هوصل لحاجة كبيرة بإذن الله، فمنذ أن كنت في المرحلة الإعدادية. وأنا كنت أتعلم كل فترة نوع جديد من الرسم منها بالرصاص أو الباستل أو ألوان الماية والجاف والحبر، وأول لوحة زيت ليا حصلت بها على مركز الثالث على جامعة عين شمس، واشتركت في مسابقة إبداع على مستوى الجمهورية بلوحة String Art».

وأضافت: «حولت الصُعوبات والظروف لفن وأعمال يدوية، فهي كانت مخرج لي في تلك الأوقات، حتى تحولت الموهبة لمشروع، وكان هدفي فيه أعمل كل شيء مختلف وجديد وأضيف لمسة جديدة بفني في كل بيت وأترك أثر بسيط حلو الناس تفتكرني بيه، وبالفعل بدأت من الصفر وبدأت أجرب خامات متعددة عشان أوصل لأفضل جودة للشغل بتاعي».

وأشارت دعاء إلى أنها واجهت صعوبات كثيرة من يأس وإحباط وخامات صعبة أن تجدها، ولكنها حولت كل هذا لتحدِِ وإصرار.

وتابعت: «كل ما أشوف صورة وأحاول تقليدها بتطلع زيها وأحسن الحمد لله، وده جه بعد تدريب كتير وتعليم ذاتي من غير كورسات نهائي، مامتي بتساعدني في كل شغلي ومن غيرها مكنتش بدأت ولا وصلت للمرحلة دي، أيضًا أهلي وصحابي دائماً بيشجعوني وواثقين فيا وبسبب ده كل فترة بتعلم نوع جديد وبضيفه للشغل».

وقالت: «بدأت بأشكال مختلفة كتير منهم (سحابة ونجمة وهلال وكوشنز فرو) واتعلمت String Art وبدأت استخدم الخيش وخامات وتصميمات كتير، وردود أفعال كل اللي بيطلب مني وإعجابهم باهتمامي بالتفاصيل والدقة بيزود ثقتي أكتر لأني بعمله بكل حب وبتعب فيه جدًا وبياخد مني ساعات كتير».

وتابعت دعاء: «هدفي أن براند Doaa's Art يكبر وناس أكتر تعرفني وشغلي وفني يوصل لكل مكان وكل بيت يكون فيه قطعة من صنع إيدي وأن ميكونش مجرد أوردارات بعملها في البيت أنا وماما ويكون مصنع، وأعلم ناس كتير تشتغل معايا ويكون عندي أكتر من مكان ببيع فيه شغلي وليس أون لاين فقط».