بعد سحبه من الأوسكار.. مخرجة فيلم «سعاد» تكشف سبب الأزمة

سحب الفيلم من ترشيحه لجائزة أوسكار ممثلا للسينما المصرية بفئة أفضل فيلم ناطق بلغة أجنبية، كانت هذه هي الأزمة التي واجهت فيلم "سعاد"، بعد أن خاض العديد من التجارب في المهرجانات المختلفة.

صراع فيلم سعاد

ومع وجود صراع بين صناع العمل حول الملكية الفكرية للفيلم، وما منعه من الترشح للأوسكار، علقت مخرجة العمل أيتن أمين على هذه الأزمة عبر موقع تبادل الصور والفيديوهات"إنستجرام"، قائلة: "من المؤسف إنى مضطرة اكتب البوست ده، سعاد هو المشروع اللى اشتغلت عليه أكتر من 5 سنين وأقدر أقول إنه مشروع عمرى وأهم حاجة عملتها، الفيلم ده معمول في الأساس للناس في مصر وتحديداً البنات اللى الفيلم بيحكى عنهم.. شيء حزين فى الآخر انى مش حقدر أوصلهم بالفيلم لأنه حتى الآن أنا لا أملك حق عرضه جوه مصر".

وأضافت: "كان دايما من دواعى فخرى لما أي حد كان بشوف الفيلم وبيقول إنه فيلم مصرى جدا وبيتكلم عن هموم مصرية يومية للناس، أنا بعلن كامل دعمي لمحمود عزت وأتمنى إن الفيلم يتسجل باسمنا فى الرقابة على المصنفات، لأننا حتى الآن قدام الرقابة ناس بركة على الفيلم، لا السيناريو ملكهم ولا قادرين يقرروا مصير عرضه، على عكس ما هو الحال أمام جهاز مصنفات الملكية الفكرية في مصر، أو حتى اتحاد الكتاب في أمريكا".

وواصلت قائلة: أنا كمان عايزة أشكر محمود جدا عشان فضل مساندنى من أول لحظة ووقف معانا عشان نحمى الفيلم من التهديدات، وعدم قبوله لأي ابتزاز من طرف لا يسعى إلا للحفاظ على مظهره في الصناعة، أو مكاسبها المادية من ورا تضحياتنا وتعبنا. وعايزة كمان أشكر سامح، المنتج الرئيسي للفيلم، واللي عمل حاجات كتير عشان الفيلم ده يتعمل ماتتكتبش في بوست، ومنها مواجهة كل التهديدات المستمرة بوقف العروض خارج مصر سواء فى المهرجانات او فى العروض التجارية، وخلى الفيلم يتعرض فى كل حتة فى الدنيا ما عدا مصر طبعا.

وتابعت: فى الآخر أى محاولة للصلح من الطرف الآخر مكانتش جادة لان كان فيها دايما تهديد وابتزاز بالورق..اكيد مفيش سبب يخلينى متعنتة فى الصلح عشان انا اكيد عايزة اعرض الفيلم اللى شقيت فيه سنين من غير فلوس لحد دلوقتى... و اللى اطراف كتير منها سامح و محمود والموزع مخدوش فلوس لحد دلوقتى..بس انا مش حوافق انى يتلوى دراعى واخضع لأي ابتزاز (انا اكتر حد عارف كويس مين اللى قلبه على الفيلم و مين حاول يأذيه)

السينما تاريخ

وفي الختام قالت: الفيلم حيفضل موجود عشان السينما تاريخ ومحدش بيقدر يمحي فن اتعمل وأكيد حيوصل لجمهوره فى وقت ما وأنا يكفينى شرفا انى عملته فى ظروف فى منتهى الصعوبة وحفضل فخورة بكل حد اشتغل فى الفيلم ده، شكرا لأى حد بيدعمنا جوة مصر وبراها".

اقرأ أيضًا..

بعد مرور 30 عامًا.. كيف أصبح شكل بطل فيلم home alone