«بلبس عريان».. دينا حسين تُعلق على إساءتها للفنانين| فيديو

علقت الفنانة دينا حسين على انتشار فيديو قديم لها، تم نشره للمرة الأولى منذ عام وهي تنتقد فيه الوسط الفني وتشكو مما تعرضت له، واتهمت حينها بإساءتها للوسط الفني.

وقالت دينا حسين، في مداخلة هاتفية مع الإعلامي سيد علي ببرنامج "حضرة المواطن" المذاع عبر قناة الحدث اليوم: "اللي مزعلني إن الفيديو ده أنا نزلته من سنة على صفحتي. كنت في حالة نفسية وحشة جدا من اللي أنا شفته من أشخاص معينة، فنزلت الفيديو على صفحتي بيني وبين أصحابي، وقلت اللي جوايا والشكوى بتاعتي، معممتش الكلام. وبعدها أستاذة ريهام سعيد تواصلت معايا وعملت معاها حلقة في برنامج صبايا الخير، وكانت داعمة ليا وسمعتني. وعدى الموضوع، ونزلت بعده الكليب بتاعي وشغلي وكملت حياتي المهنية عادي".

وأضافت: "فجأة لقيت الجزيرة منزلة الفيديو تاني، وعامل نسبة مشاهدة أكتر من 2 مليون في وقت قصير جدا، ولقيت فجأة الدنيا مقلوبة عليا وأنا مش فاهمة ليه نزل تاني، وليه الموضوع اتفتح تاني، الجزيرة قصت الفيديو في مقطع معين بطريقة معينة دخلتني في مشاكل، وإن أنا إخوانية. إخوانية إزاي وأنا مطربة وبلبس عريان وعايشة حياتي".

وأنهت حديثها قائلة: "كلمتي الأخيرة للناس إن أنا يا جماعة والله مكنتش أقصد أسيء لأي حاجة ولا لحد بعينه، ولا أقدر أجرح في بلدي ولا في المهنة الموسيقية ولا في النقابة ولا فنانين مصر. مصر هي اللي بدعت الفن وهي اللي عملتني، وأنا نقابية من 5 سنين."

اقرأ أيضًا..

شيرين عبد الوهاب تروّج لأغنيتها الجديدة بهذه الطريقة| صورة