بملعقة واحدة.. 6 فوائد للعسل تحدث في جسمك لن تصدقيها.. ما هي؟
«هل الحب بييجي بعد الجواز؟».. إجابات صادمة من الفتيات
الجمعة 15/أكتوبر/2021 - 08:02 ص
ساندي جرجس
طرحت إحدى الفتيات على موقع التواصل الاجتماعي "فيس بوك" سؤالًا عن الحب بعد الزواج، وكتبت في منشورها: «هو الحب بيجي فعلا بعد الجواز؟!»، مشيرة إلى حيرتها في الاختيار بين خطيبها الذي يحبها أم تنتظر النصيب المجهول و«زواج الصالونات».
وكانت التعليقات والردود من الفتيات على هذا السؤال صادمة تدل على حيرة أغلب الفتيات في اتخاذ قرار الزواج من شخص تحبه أم شخص جاهز ومؤهل للزواج فقط.
وقالت "أميرة" في إحدى التعليقات مؤيدة لفكرة الحب بعد الزواج: «طالما شخص كويس ومحترم ودخل البيت من الباب وبيحبك اديله فرصة تعرفيه ليه ندور على المجهول ويمكن يطلع وحش، وربنا بعتلك شخص كويس أنتي تفكري تسيبيه وتشوفي غيره ليه لو هو شخصية عجباكي الحلال أحلى بكتير ربنا يلهمك الصواب».
وعلقت أيضًا ناردين: «مش كل الناس واحد في ناس اتجوزت صالونات ومرتاحتش وفي ناس ارتاحت وفيه ناس اتجوزت عن حب وندمت، وكان حب سنين وبعد الجواز مشاكل وخيانة ادي نفسك فرصة ووقت ارتحتي كملي».
وقالت إنجي: «أنا متجوزة أهو بقالي 10 سنوات واتخطبت 3 شهور بس والدنيا زي الفل».
وعلقت أيضًا ساندي: «ما يمكن ده المجهول الي تحبيه ويمكن تحبيه من كتر ما بيحبك».
اقرأ أيضًا..
وقالت إيفا: «مش كل اللي اتجوزوا عن حب نجحوا ومش كل اللي اتجوزوا صالونات نجحوا المهم لازم تعرفي أنتي عايزة تتجوزي ليه علشان تحددي هتعيشي بأي طريقة أنتي اللي هتحددي سعادتك بأيدك لازم تعرفي الإنسان المناسب اللي هتعيشي معاه لازم يكون إنسان مناسب ليكي ولشخصيتك».
