شراكة بين صندوق التنمية الحضرية و«بنك نكست» لتوفير سكن كريم للمصريين
خبيرة طاقة تكشف علاج الحسد "بكلمتين"
الخميس 30/سبتمبر/2021 - 01:01 م
هبة وصفى
قالت خبيرة الطاقة مها العطارن: إن خط الدفاع الأول ضد الحسد هو عدم الكلام عن نفسك؛ حتى أمام الأحبة والأقارب؛ وفي حالة حُسد الشخص فخط الدفاع الثاني أمامه هو أن يقول للحاسد في عينه "انت حسدتني".
من قصص الحسد
أنور وجدي
واستشهدت مها العطار على كلامها بحادثتين؛ الأولى مع أنور وجدي عندما سألته المذيعة في نهايات حياته: "إيه أسوأ حاجة حصلتلك؟!" رد قال: إني طلقت ليلى مراد. فسألته: ليه؟ وإزاي؟! رد: ما اعرفش، كنت بحبها جدا، عايشين سعداء لأقصى حد، ما كنتش بحكي عن حياتنا ولا بنسمح لحد يحكي، فجأة حكيت عن قصة حبنا، كفاحنا، نجاحنا، إزاي إحنا عايشين في تفاهم ونعيم في البيت، بعدها كل حاجة بينا بقت وحشة بدون أسباب، ولقيت نفسي بخونها، بعدين انفصلنا، بعدين فوقت لقيت نفسي شخص تاني في عالم تاني ما حبيتوش ولا كنت عاوزه.
ياسمين صبري
وأشارت أيضا إلى الممثلة ياسمين صبري: أخذت شهرة كبيرة الفترة الأخيرة لحد ما ظهرت في برنامج صاحبة السعادة وسألتها إسعاد يونس: مش ناوية تتجوزي؟! وكانت المفاجأة لما قالتلها أنا متجوزة من ٥ سنين وبحب جوزي جدا، اسمه محمد وبدلعه مودي، وبطبخ وأغسل وست بيت شاطرة وجوزي بيحب أكلي.
وتابعت: "لحد كده زي الفل، اللي مش زي الفل إن ياسمين صبري طلقت بعد ٢٠ يوم بس من الحلقة دي، اتطلقت بعد ما حكت عن أجمل حاجة ف حياتها، واستقرارها، وراحة بالها، فهل تعلمت الدرس؟".
علاج ورد الحسد
وأنهت العطار كلامها بـ: "الحاجات الحلوة بتستمر لما نخبيها، ونداري عليها على قد ما نقدر، وبتروح أول ما نتكلم عنها، فمتحكوش لحد ولا حتى أصحابكم، مش عشان هما وحشين إنما عشان الحسد ممكن ما يكونش بقصد، حياتك الخاصة لك أنت وأسرتك فقط، واتعلم من تجارب الآخرين ولا تحكي عن أسرار بيتك لأحد، أنت لا تعلم نفسية الناس من حولك، فعدم الكلام هو خط الدفاع الأول ضد الحسد، أما خط الدفاع الثاني لو اتحسدت هو رد الحاسد في عينه وتقول له أنت حسدتني".
اقرأ أيضًا..
