وعلقت مروة، على إحدى المنشورات عن حملة «تزوجني بدون مهر» اللبنانية، وقالت: «الشباب الي عندنا فرحان محدش قالكم إن هناك وفي الدول العربية كلها البنت اللي بتتجوز ما بتدفعش لا هي ولا أهلها مليم في الجوازة، وحتى هدومها العريس هو اللي بيجيبها جديدة على حسابه ومعندهمش حاجة اسمها جهاز العروسة زي مصر وإن الموضوع ده مش موجود غير عندنا وباقي الدول العربية العريس هو اللي بيشيل شقته من الألف للياء والعروسة وأهلها ما بيدفعوش مليم في تجهيز الشقة».

ومن جانبها قالت سارة رافضة لتلك الحملة: «المهر والقايمة والمؤخر حق شرعي وأصيل للزوجة، مينفعش فيه تنازل ممكن فيه تيسير، ويسر براحتك ومتجيش على الزوج بس في نفس الوقت لازم تضمن الحق الشرعي للبنت، الزمن مش مضمون إلا ما رحم ربي مش كله زي بعضه بس في ناس بتطلع مش كويسه ف الأخر».

وعلقت نور على الحملة قائلة: «الرجل الي متعبش في حاجة يسترخصها ولا يعرف قيمتها وسيتخلى عنها بسهولة».

بينما قالت غادة وهي مؤيدة لحملة «تزوجني بدون مهر»: «ياريت الحمله دي في مصر، عشان محدش عايش الواقع من أهالى معظم البنات، البنت وأهلها عاوزين الشاب يكون بالنسبه لهم ثرى عربى يا كده يا بلاش، مش فاهمين يعنى ايه بنت سنها بيكبر وأنها عاوزة تعيش حياه طبيعيه تتجوز وتخلف وتكون أم، الاهل بتدور على المظاهر وصورة بنتهم ادام الناس والجيران، اهل العروسه بطلوا يقولوا احنا بنشترى راجل».