نانسي ماهر تُحذر: «ضحايا التنمر» قنبلة موقوتة في المجتمع

وتابعت: "الظلم مش بيولد غير القهر والغضب والانتقام، الجيل الجديد تحديدًا بقى ماشي بسياسة "حقي بذراعي"، ولأي حد مظلوم، على قد الظلم بيبقى الغضب، على قد القهرة بيبقى الضغينة، على قد التدمير بيبقى الانتقام".

وأضافت: "المسلسل صحوة، ومن الآخر قلم على وشنا كلنا، وش الآباء والأمهات اللي فاكرين إن ولادهم بيروشو وخلاص، ايه يعني ما تسيب الولد يهزر، "واللي عنده معزة يربطها"، وعلى وش الأولاد والبنات إن المتنمر آخرته وحشة قوي واللي بيتنمر عليه مش هيسكت تاني ويقدر ينتقم".

وأكملت: "الفكرة اللي لعبوا عليها بتاعت بلاش نتتقم ونطلع احنا وحشين فكرة حلوة بس هم بعدوا عن المثالية وقرروا يكلموا طريق التنمر بمنتهى الجدية من غير لحظة تراجع، علشان يفوقوا كل حد شايف إن ابنه لما يهين زميله كدة بيهزر ومش من حقه يزعل، وان بنته لما تتريق وتضرب زميلتها ده هزار بنات ايه يعني".

وأردفت: "لا ياريت نفوق بجد، الموضوع موقفش عند التريقة الـ bullied person ده قنبلة موقوتة بيطلع كل اللي جواه يمكن بعد سنين، بس احنا بنحضر مشروع حد غير سوي عنده شراهة الانتقام لو ملحقناش نفسنا".