عايز مراته «وحش السرير».. نهاد أبو القمصان ترصد أسباب الانفصال

قالت المحامية الحقوقية نهاد أبو القمصان، رئيسة المركز المصري لحقوق المرأة، إن من يتهمها بتشجيع الستات على الطلاق غالبا طلق ابنهم زوجته ويصعب عليهم حاله ولابد من تحليل أي مشكلة للوصول إلى حلول لها، وذلك في فيديو نشرته على صفحتها على الفيس بوك.

وأضافت القمصان:" اللي بيقولوا كده غالبا ابنهم طلق زوجته وصعبان عليهم، والأسباب بتاعت حد لعب في دماغها دا كلام يقوله حد مش عاقل قوي، وعنده مشكله في تحليل مشاكله وطول الوقت بيهرب منها، فالست ليست وحدها مسؤولة عن البيت، فعلاقة الزواج علاقة مشتركة، واعتبار الزوجة وحدها المسؤولة عن نجاح البيت أو الزوج وحده دا كلام ساذج جدا، فعلاقة الزواج مفيهاش سيد وعبد، والطرفان يسعيان لإنجاحها".

وأكدت القمصان، أن الطلاق أو الانفصال يتم عادة لأسباب كثيرة منها: "أن أحد الطرفين لم يجد في الآخر ما كان يتوقعه، الكتمه في العلاقة " زي قدرة الفول" وبخاصة في العلاقة الحميمة، فبتخاف المرأة تكلم زوجها في حاجة زي كده، فلازم يبقى فيه فرصه للكلام من غير إهانه ولا تجريح؛ لأنه في فرق بين الصراحة والوقاحة.

وأشارت إلى أنه أحيانا يكون الراجل داخل العلاقة على أوهام من دماغه، على حد وصفها : "وعاوز زوجته قبل الجواز رابعة العدوية وبعد الجواز سميرة سمير وحش السرير على رأي الفيلم، ولازم العرسان يعرفوا إن أول سنة جواز هي أصعب سنة، فبلاش يدخلوا أهلهم واللي ماشي في الشارع تفاصيل حياتهم، ناصحة " مفيش داعي إن الناس تتعصب فتجرح بعض، أو يحس الراجل بأزمة فيشوف نفسه طول بعرض فيقوم لاطيشها بالألم لأن الحاجات دي بتوتر العلاقة جدا"

اقرأ أيضًا..

طلاق المرأة في ساحات المحاكم.. معركة خسرانة لحواء