نهال عنبر: «ما بحبش إحباط الست.. ومحدش يفرض عليّا حاجة حتى لو ابني»

"أنا محدش يفرض عليّا حاجة ولا ابني نفسه".. هكذا ردت نهال عنبر على سؤال وجه لها في حوارها عبر برنامج "راجل و2 ستات" مع شيري وهيدي، عن موقف ابنها حيال لبسها.

وقالت نهال: "حسام ابني في حاجات معينة في اللبس ممكن تدايقه، فيقولي ماما خلي بالك من كذا، ودا حقه، لأنها حاجات ممكن أكون مأخدتش بالي منها، وأقوله كويس قوي إنك قولتلي، لكن لو حاجة مفتوحة شوية فأنا مبحبش العريان ودا طبعي".

وأضافت: "لكن لو الألوان فمبيقولش حاجة لأنه بيحب الفاشون أوي لكن ميحصلش بينا نقاش أبدًا في لبس ما دام مش حاجة مفتوحة لأن بعتبر إن ده حقه".

وعبّرت "نهال" عن عدم إعجابها بإحباط النساء: "إحباط الست دا مش عاجبني، والست لو مبهدلة في نفسها يقولوا شوفوا الست عاملة ازاي دا لو عندها حاجة وخمسين ولا حاجة وستين سنة وهيا لسه في عزها، دلوقتي 60 سنة دي في عزها، وعلى العكس لو اتوضبت واتشيكت يقولوا شوفوا الست اللي أولادها بقوا طولها عامله نفسها صغيرة، ما تبص على سنها بقا دا أولادها بقوا طولها". 

اقرأ أيضًا..

نهال عنبر: المرض منعني من المدرسة في مرحلة الطفولة| فيديو