عمر مرموش يتصدر قائمة الأكثر تأثيرًا في الشرق الأوسط
كريمة لـ محكمة الأسرة: «جوزي عاوز يحرمني من التعليم»
الأربعاء 31/مارس/2021 - 07:40 م
كريمة لـ محكمة الأسرة: «جوزي عاوز يحرمني من التعليم»
هاجر الصباغ
«مفيش حد حياته خالية من الظروف، وأنا الظروف أجبرتني أكون جاهلة، مش متعلمة، وعشان كده اتجوزت واحد بنفس ظروفي»،هكذا بدأت كريمة تروي مأساتها أمام محكمة الأسرة، وهي تطالب بحقها في التعليم.
تفاصيل أزمة كريمة
البداية كانت بـ أب لا يملك إلا قوت يومه، ويحاول قدر الإمكان توفير الطعام لأولاده، ولذلك حرموا من التعليم مثل كريمة أختهم الكبرى، لتكبر وهي تساعد والدها في العمل لتوفير نفقات إخوتها، وطرق "سعيد" بابها يوما طالبا زواجها، لتعتقد بأن الحياة قد ابتسمت لها وسترتاح أخيرًا من العمل وسيكون لها منزل تكون هي سيدته ولكن هيهات، فمن منا يأمن تقلب الزمان.
رحلة كريمة مع التعليم
«أنا حلفت ما هخلي ولادي يكونوا زيي وزي أبوهم، وقررت أعلمهم وأفضل وراهم وسندهم لحد ما يكونوا هما السند، بس بعد كام سنة فوجئت بجوزي بيقولي إنه عاوز يتجوز واحدة متعلمة»، لتصاب كريمة بصدمة كبيرة وخيبة أمل أكبر، ووقفت ضده حتى تراجع عن قراره، فلم تتصور أنها بعد كل الصبر على جفاءه والكفاح معه ومع أولاده، يذهب ليخطب امرأة أخرى متعلمة.
قررت كريمة الالتحاق بمدارس محو الأمية، رغم كبر سنها، وتابعت تعليمها وساعدها أولادها لتتفوق في الدراسة وتصل للمرحلة الإعدادية، وعوضت نقصها في التعليم ولكن انقلب الحال «جوزي فجأة قالي مفيش تعليم، وصمم إني مش هكمل تعليم تاني، وكفاية اللي وصلت ليه، بس أنا رفضت وخوفت من غدره بيا، واتمسكت بالسلاح الوحيد اللي معايا، وصممت أكمل تعليمي، فبدأ يعاقبني ويضربني، ويمنعني من حقوقي الشرعية وبينام لوحده، ويمنع عني الفلوس».
واختتمت: «أنا حاسة نفسي في دوامة، مش عارفة أعمل إيه، محاكم الأسرة حبالها طويلة، وهعيش إزاي وأنا مش معايا فلوس أنا وعيالي»، لتبكي وهي تنعي الظروف التي تقف ضدها.
