رانيا السحار: صوت امرأة مصرية تجمع بين الإعلام والتأثير السياسي والمجتمعي
رانيا السحار لها من اسمها نصيب فهي ساحرة بتاريخها وجمالها وشخصيتها وقوتها، امرأة من طراز خاص، تكره النمطية والنجاح العادي مقتحمه لأي معركة وتستخدم ثقتها وقدراتها بتحقيق التفوق والنجاح بسلاسة واقتدار، أنها الاستثنائية رانيا السحار.
ماذا قالت رانيا السحار عن نفسها؟
تتحدث رانيا السحار عن نفسها قائلة: "من أول لحظة دخلت فيها مجال الإعلام، كان عندي إيمان حقيقي إن الكلمة الصادقة ممكن تغيّر، وإن الشاشة والميكروفون مش بس أدوات شُهرة، لكن مسؤولية وقوة تأثير.
اشتغلت بكل قلبي وعقلي علشان أقدّم محتوى يحترم وعي الناس، ويكون ليه معنى وهدف.
قدمت برامج على قناة الشمس تناولت فيها قضايا اقتصادية وصناعية تهم المواطن المصري البسيط، وكنت حريصة إن المعلومة توصل ببساطة وعمق في نفس الوقت.
ومن خلال راديو مصر، برنامج “زينة وخزينة”، فتحت مساحات نقاش عن المرأة والاقتصاد والأسرة، وحاولت أكون دايمًا قريبة من الناس بكلام حقيقي من قلب الشارع.
وقريبًا، بإذن الله، هكون على شاشة قناة النهار في تجربة جديدة، وطموحي أكبر من مجرد تقديم برنامج؛ أنا بدوّر على تأثير حقيقي يلمس وجدان الناس وعقولهم.
مسيرة رانيا السحار
على الجانب السياسي، انضممت لحزب الجبهة الوطنية، وده نابع من إيماني إن التغيير مش هيحصل من بعيد، ولا بالكلام بس، لكن بالفعل والمشاركة. وجودي في الساحة السياسية مكمل لطريقي في الإعلام، والهدف واحد: خدمة البلد وأهلها.
وكان من دواعي فخري وسعادتي إني أُكرم وسط نخبة من رموز الفن والإعلام والسياسة، كتقدير لدوري في دعم العلاقات الاقتصادية بين مصر وسلطنة عمان، وتمثيلي للمرأة المصرية في محافل دولية بشكل مشرّف.
وفي قلب كل ده، بعتبر إن حملتي “الشارع مش ملكك لوحدك” كانت من أكتر الحاجات اللي لمستني شخصيًا. بدأت من تجربة مؤلمة، وتحولت لرسالة مجتمعية لقيت صداها، وخلت ناس كتير تحس إنها مش لوحدها، وإن صوتها ممكن يوصل.
أنا رانيا السحّار، بحلم، وبهَدف، وبهِمّة، وهكمل في طريقي الإعلامي والسياسي، علشان أكون صوت الناس… وأكون دايمًا على قدّ ثقة الناس فيا.
